觀塘海濱5間愜意餐廳推介 必食Nutmad法式多士、HOW爆汁Burger
觀塘海濱附近有不少餐廳，環境幽靜，《香港01》飲食頻道記者精選了5間氣氛愜意的餐廳，包括亞金南洋茶室、One Little Room、Nutmad、廿一由八和HOW，非常適合情侶談心，之後更可以順便到海濱公園散步和睇日落。
（文章內提及的食物款式、價格，以發稿日期為準，價格未包括加一服務費）
【1】亞金南洋茶室 —— 必食招牌濃湯叻沙
餐廳主打馬來西亞菜式，新開無耐，處於在一堆cafe中尤其顯眼。招牌必食濃湯叻沙，有網民大讚湯底惹味，甚有水準。炎炎夏日，如果不想吃湯麵弄得成身是汗，亦可以試試蝦餅撈檬。想知店內還有哪些高質菜式，立即按圖睇睇😋😋😋
亞金南洋茶室
地址：觀塘偉業街180號Two Harbour Square地下F&B1號舖
【2】One Little Room —— 西班牙蛋餅、窩夫愛好者必去
位於偉業街的壹小店One Little Room，距離牛頭角站約8分鐘距離，設有少量戶外位置，更可以帶寵物來享受美食！招牌美食有三文魚西班牙蛋餅、招牌窩夫、安格斯牛肉芝士漢堡等。三文魚西班牙蛋餅最受網民歡迎，表面是煙三文魚片底下是菠菜加薯仔粒，口感豐富。 想知道西班牙蛋餅價錢、食用時注意事項，按下圖睇睇🧇🧇🧇
One Little Room
地址：觀塘偉業街93號地舖
營業時間：星期一至五 11:00 - 21:00
星期六、日及公眾假期 10:00 - 19:00
【3】Nutmad —— 香蕉雪糕法式多士最有人氣
這間café是記者同事極力推介，同事仲話一定要介紹添！Nutmad主打意粉、risotto，不過最受歡迎竟然是焦糖香蕉雪糕法式多士、煙熏豬豬卡邦尼意粉，仲有慢煮黑毛豬！唔誇張，法式多士幾乎人手一件，熱辣辣的多士中間做得好軟熟，配上雪糕簡直冰火交融。按下圖即睇有咩美食必食👇👇👇
Nutmad
地址：觀塘觀塘道396號毅力工業中心9樓C號舖
營業時間：星期一至四11:30 - 18:00，星期五至六11:30 - 21:00，星期日11:30 - 18:00
【4】廿一由八 —— 木系café兼賣家具
廿一由八個名夠晒特別，原來是店主姓黃，拆開來睇就是廿一由八！木質家具店內藏有一間高質café，一邊是售賣木質家具兼自家木工場，另一邊就是餐廳，整間舖都充滿文青氣息，仲有一隻可愛貓貓添！廿一由八的創辦人是藍帶廚師出身，食物保證有質素，薑黃香梨吉士蛋糕同可麗露最啱港女影相！環境真心舒服又有空間感！按下圖即睇推介美食及價錢👇👇👇
廿一由八
地址：觀塘鴻圖道59號鵬光大廈11樓
營業時間：星期二至日12:00 - 18:30（星期一休息）
【5】HOW —— 日式風格生活概念café
HOW是一間融合家具店的生活概念café，環境非常闊落，佔地9000千呎，配上多款木系家具、書架，仲有好多小擺設、小裝飾、杯子、碗碟等，完全唔會覺得是一間café，相反有點像日式雜貨店！招牌菜有慢煮雞胸、慢煮厚切日式豚肉、另外肉扒例如西冷都值得一試！想知慢煮雞胸有幾正，按下圖即睇環境、其他美食推介😋😋😋
HOW
地址：觀塘觀塘巧明街99號巧明工廠大廈3樓AB座
營業時間：星期一至六12:00 - 22:00，星期日12:00 - 18:30（現時裝修中）
想知更多有助放鬆心情嘅香港好去處，例如離島、沙灘、單車、郊遊路線，click 入專頁睇更多推介！👉👉香港好去處｜假日郊遊、離島放空、單車路線、食玩打卡｜不斷更新
💡同場加映：觀塘一日遊路線推介💡
周末想出門放空，但又不想去太遠？九龍東的觀塘其實有好多打卡勝地，除了一定要去的藍色時光隧道，仲有一條千米的壁畫街都可以影靚相。記者精選觀塘一日遊的行程規劃，由早玩到晚，仲可以去觀塘海濱睇日落，結束完美的一日！
【第一站】📸必去擺pose影文青相@樂華南邨
觀塘、牛頭角之間的樂華南村是公共屋邨，停車場天台有一個「藍色時光隧道」，時光隧道由一道道天藍色中空的牆身所形成，你可以站在圈中擺pose影相，亦可以挑戰自己極限擺出高難度pose，例如直立式一字馬，或者同朋友一齊影搞笑的動感照等！想知點樣可以影得更加有feel？按下圖即睇拍攝小貼士📸📸📸
想知邊度有千米街頭壁畫，立即觀看全文👉👉👉觀塘一日遊路線推介 時光隧道壁畫打卡 工廈歎美食｜香港好去處