大圍小館米芝蓮外賣點心爆餡流沙包/手打墨魚燒賣連蒸籠+保溫袋

【大圍小館】大圍米芝蓮中菜館推出外賣點心，更包埋蒸籠，回家蒸熱後馬上食得！大圍一間新晉米芝蓮中菜館近日推出外賣自取點心套餐，有齊多款招牌點心如眼淚流沙包、鮮荀蝦餃、手打墨魚燒賣等，更附有蒸籠，在家中都可以歎到精美點心！

大圍新晉米芝蓮必比登推介中菜館「大圍小館」，主打傳統手工點心和粵菜，以多款特色點心、燒味及懷舊菜受到街坊喜愛。名菜之一就是由前米芝蓮一星主廚炮製的叉燒「第一叉」，肥瘦均勻而且又脆又多汁。

圖片來源：大圍小館

同時都有提供多款即叫即的特色點心，包括香煎糯米雞、懷舊咸薄罉、奶皇千層糕、冰花蛋球、桃花餃和眼淚流沙包等！流沙包一撕開就有爆漿流心奶皇餡湧出，餡料香濃綿密，必定要一試！

大圍小館近日推出外賣自取「回家蒸」套餐，有齊多款人氣點心包括流沙包、鮮荀蝦餃、手打墨魚燒賣、桃花餃及懷舊蘿蔔餃！更附送竹蒸籠及蒸籠蓋，將整籠點心帶回家，蒸熱後原汁原味享用！

所有點心都是由師傅每日新鮮製作，店舖建議即日以隔水大火蒸7分鐘，就可以家中歎到美味的一盅兩件！

大圍小館外賣自取點心

售價： $158/籠（連蒸籠、蒸籠蓋、保冷袋）
*眼淚流沙飽、鮮筍蝦餃、手打墨魚燒賣、桃花餃、懷舊蘿蔔餃（各x2）

地址：大圍積福街98號地舖 (大圍站A出口步行兩分鐘)
電話：2339 0189/ 5406 4438 (電話 . whatsapp . signal)

大圍小館米芝蓮外賣點心 爆餡流沙包/手打墨魚燒賣 連蒸籠+保溫袋