旺角超足料爆餡丼飯!必試乜蟹都有丼/火焰金龍卷 $38起歎魚生丼

撰文:草莓泡芙
出版:更新:

【旺角美食】旺角一間日本料理餐廳推出足料爆焰丼飯,價錢相宜,性價比超高!推介必試招牌魚生丼飯「乜蟹都有丼」、火焰金龍卷、九公丼等。下午茶時段最平只需$38起,就可以歎到足料丼飯,抗疫期間晚市外賣自取可享88折,即睇地址啦!

位於旺角的「丼燃食堂」,主打多款日式丼飯、刺身、壽司卷等,因為用料不馬虎,款款足料又爆餡,加上價錢相宜,午市時段$48起就有交易,而下午茶時段更只需$38起就歎到足料丼飯,獲不少網民大讚性價比高!

必試全日供應的招牌「乜蟹都有丼」($128)!丼飯以完個蟹蓋鋪面呈上,賣相非常吸晴,裡面則有蟹肉、蟹膏、蟹籽及蟹棒等,一次過試勻多重滋味。丼飯設有4款醬汁可供選擇,包括海膽醬、明太子醬、蜜糖芥辣醬及芝士蟹籽醬,適合喜歡品嘗蟹料理的朋友!

招牌卷物金龍卷、焦糖三文魚卷($68)以及「九公丼」($178)同樣是餐廳必試之選!卷物在上桌時會由店員即場以火槍火炙,營造出火焰效果,打卡一流!金龍卷以天婦羅炸番薯、鰻魚、蟹籽等製成;愛吃魚生的朋友則可選焦糖三文魚卷,三文魚配火炙焦糖脆面,非常吸引。而「九公丼」則用上海膽、三文魚、拖羅蓉等9款人氣魚生,同樣是性價比之選!

餐廳另有一系列玩味十足的料理,包括「虎燃四皇丼」($118)、「激突三文魚丼」($138)、「究極大大大拖羅丼」($248)、「月肝肝鰻魚丼」($148)、「挑機丼燃大胃王丼」($208)、廚師發辦丼飯「丼燃係盲盒」等。

小食方面則有「一口芝士」($22)、「忌廉蟹肉餅」($28)、「鰻魚玉子燒」($28)、「吉列蠔」($22)、「爆蔥肝多士」($68)等。

想以最抵價錢歎到豐富丼飯的朋友,可以選擇在餐廳的特惠午市及下午茶時段光顧。午市時段供應5款精選丼飯,包括「虎燃丼」、「鰻魚丼」、「三文魚丼」、「海鮮丼」及「天婦羅丼」,定價由$48起。下午茶時段最平只需$38起,有三文魚丼、炸物拼盤等,更可以優惠價加配小食及飲品。抗疫期間下午6時後,外賣自取可享88折優惠。

丼燃食堂
地址:旺角花園街3-5號鴻威大廈地下6號舖
營業時間:3460 5078
電話:12:00-22:00