打開茶記外賣發現杯嘢飲成層墨水 激氣港媽：我實擺上網比負評
撰文：奶蓋弟弟
出版：更新：
有港婦在網上抱怨，指日前於坑口村一間茶餐廳點外賣，回家打開杯蓋，卻意外發現飲品內竟溶滿藍色水性筆墨水。她難忍低級錯誤，打電話要求餐廳員工道歉，餐廳職員得悉後卻態度惡劣兼不配合，逼她講出狠話：「你而家仲係咁態度！我實擺上網比負評！」
打開茶記外賣發現杯嘢飲成層墨水 激氣港媽：我實擺上網比負評
事主於Facebook群組「將軍澳主場」分享經歷，指5月1日晚上光顧坑口村金葉軒外賣，當時將外賣帶回家中，打開外賣袋便發現飲品杯蓋——包括十字位插飲管位置附近，有水性筆的痕跡，遇水後溶解在杯中飲料上。
事主難以理解餐廳依水性筆而非油性筆作記號，認為事件屬低級錯誤，因此致電投訴：「水溶性marker唔掂喎，仲要寫係個十字位到」但據事主了解，餐廳店員「態度惡劣，好晦氣」表示：「咁點呀？你想點？咁使唔使退錢呀？定你想落嚟換呀？咁我地今日好多外賣呀嘛！」
（圖片來源：Facebook@將軍澳主場）
餐廳店員回應讓事主相當不滿，因此講出下狠話威嚇店員：「唔使啦！其實我想要句唔好意思啫！你而家仲係咁態度！我實擺上網比負評！」但據事主描述，餐廳店員得悉後僅回應一句「你咪擺囉！」便不了了事，認為餐廳店員態度惡劣：「諗住同佢講聲啫，點知換黎態度勁差，十分晦氣既回答」、「一句唔好意思都唔講」、「雖然無左兩杯飲品好小事，但我以後都唔會幫襯。」
《好食玩飛》記者向事發餐廳金葉軒了解事發經過，餐廳負責人表示已徹底調查事發過程，指當日由於天雨關係，有水滴滲入外賣袋內，才導致水性筆墨水溶解的情況。另外又指，當時接聽電話的員工為兼職員工，現已暫時安排休息處置，強調餐廳以顧客為本，會加強教育員工，避免再度發生同類型事件。