青衣隱世屋邨拉麵！$40碗慢煮叉燒拉麵、溏心蛋加$5　性價比極高

青衣隱世屋邨拉麵！香港食日式拉麵動輒七、八十蚊，然而青衣就有一間以平價著稱的拉麵店，每碗慢煮叉燒拉麵僅售$40，但份量及味道質量兼具，即使半熟溏心蛋也只是加$5就可以食到，性價比極高！

位於青衣長康邨有一間拉麵店，開業至今已有7年多，店舖面積雖小，但仍然受不少食客歡迎，最主要因為其主打的拉麵以「平價」、「抵食」著稱，其中必食的當然是招牌$40碗慢煮叉燒拉麵，縱使沒有使用高級食材，但勝在性價比高，獲得不少街坊食客好評。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

「木屋小食店」位於屋邨市集內，店舖環境一般，僅得數張摺檯、膠櫈仔，不時有熟客前往「打躉」，$40就可以歎到一碗慢煮叉燒拉麵，配有3大片肉質粉嫩的慢煮叉燒，再加上半熟溏心蛋、筍乾、京葱等，賣相不過不失，若想加麵（加底）或加配溏心蛋，分別僅$5，加叉燒則僅加$10，價格相當親民。

每碗拉麵雖然以街坊價出售，不過湯底同樣有講究。店主會使用各式新鮮食材，例如洋葱、紅蘿蔔、豬骨等，甚或一大隻雞放鍋，並以低溫熬煮數小時，製成鮮甜惹味的湯底，配上拉麵更是美味非常。

除了拉麵外，小店亦提供$40油麵、$35牛肉飯、$30醬油冷烏東等，其中飯類更可以免費任添白飯，性價比極高，難怪如此受歡迎。大家若有興趣記得要一試！

地址：青衣長康邨康和樓長康市集地下M16號鋪
營業時間：12:00 - 19:30（星期一至六）