領展在順利邨順利商場開設首個「齡活資訊站」及「齡動天地」，另也擬明年在樂華邨樂華商場增設同類設施。領展香港資產管理主管羅欣琪解釋，傳統商場主打零售，但隨着人口老化，消費模式亦改變，「我哋諗點樣可以用商場做一個好方便嘅平台」，為長者提供資訊及健康服務，並同時協助老友記的照顧者。

「齡活共融計劃」在與社福機構「腦震盪」下成立，羅欣琪表示，領展提供場地，社福機構爭取慈善撥款提供服務，共同為年長居民提供服務，「等啲老友記好方便地去攞到一啲資訊、一啲資源。」

羅欣琪表示，已從多方面入手提升商場設施，去應對銀髮經濟，令老友記消費體驗會更加好，雖不一定會刺激消費，「但有時真係畀個便利，令佢方便啲，佢就會消費多啲。」

順利商場的「齡活資訊站」及「齡動天地」是領展「齡活共融計劃」項目，上周四（21日）正式開幕，將先營運兩年。「齡活資訊站」約佔400平方呎，設有長者健康檢查活動，為居民提供社區資訊及支援服務的平台；「齡動天地」約900平方呎大小，協助長者、照顧者及社區人士維持身心健康，並推廣健康生活模式。

羅欣琪表示，領展的角色是提供場地，已動用100萬元去設置順利商場地場。

她指社區裡這些資源都頗豐富，不過可能集中在一些中心內，「其實要啲老友嘅行入個中心，有時都困難？因為佢哋（社福機構）有啲就話，有啲老友記住喺隔籬屋，都唔知嘅，住咗10年！」因此在與社福機構「腦震盪」時，就想到要怎樣將這些資訊「攞出嚟」，讓長者知道。

羅欣琪表示，順利邨及周邊屋苑人口約有4.8萬人，約為1.8萬戶，2021年人口普查顯示，有26%居民65歲以上，現時比率料更加高。「睇到佢哋對於社區資源、支援，要多啲健康活動，嗰個需要係有喺度。而我哋嘅商場就好豐富嘅，基本上民生需要都係有」，「我哋覺得呢個正好係一個好好平台，等啲老友記好方便地去攞到一啲資訊、一啲資源。」

羅欣琪指出，傳統商場主打零售，但隨着人口老化，消費模式亦改變，「我哋諗點樣可以用商場做一個好方便嘅平台，去結合一啲社會服務下、整合一啲社會資源，而且係又有活動，令到啲資源係好方便佢去攞到。」領展撥出百萬元在順利商場增添硬件，由香港基督教服務處及基督教家庭服務中心營運，資金由香港交易所慈善基金撥款。

順利商場項目是先導計劃，領展目的從中取得經驗，羅欣琪說，未來研將規模擴大，「我哋有好多社區嘅商場，喺一啲適合地方，喺有需要、又揾到地區夥伴，我哋就可以去再擴充。」她表示，初步找到在觀塘樂華商場作為第二個試點，目標明年啟用，目前正與非牟利機構商討細節安排。

羅欣琪表示，開始試行兩個月後，已有500人次參加過活動，「老友記都幾鍾中意啲新興運動。」她表示，當初構思時，服務對象還包括照顧者；同時也希望可動員社區人士做義工。

除咗幫老友記，其實都幫照顧者，呢個係我哋當時諗嘅好重要一樣嘢囉。開咗之後見到有啲老友記嘅照顧者，都會放低個老友記喺度，跟住佢就可以玩芬蘭木棋，之後佢就可以去下銀行搞啲服務，跟住去買個餸，之後嚟接返佢（長者），即係暫託一陣，佢又好開心。即個idea（構思）係咁。

羅欣琪表示，已從多方面入手，去應對銀髮經濟，如因應各個商場需要，持續調整商户組合，「我哋盡量調整點樣優化，用好啲空間，可能就係有啲大面積嘅，就撥部分做下呢啲服務。」同時增加長者友善，如設無障礙通道、洗手間加設扶手、餐牌字體加大、餐廳有軟餐、燈光更光等，令老友記消費體驗會更加好，雖不一定會刺激消費，「但有時真係畀個便利，令佢方便啲，佢就會消費多啲。」

另外，羅欣琪透露，由領展發展的觀塘安達臣發展區「領達廣場」會於10月開幕，定位為社區商場，她表示目前招租「幾好」。她又指，目前顧客消費「穩步上揚」，「出街都多咗人，食肆都OK！」