【你咪理，我愛你】豬年有意追第五胎？ Bob：豬仔就唔好喇
撰文：葉詩
出版：更新：
賀歲片《你咪理，我愛你！》今日（11日）舉行慶功宴，導演王祖藍宣布票房成績已突破800萬，實是值得慶賀，有份參演電影的演員林盛斌（Bob）表示：「好感恩，睇返我同蝦頭場戲（戲院）現場反應幾大，因為我同蝦頭喺床上有肉膊個感覺。蝦頭就好多嘢睇啦，犧牲色相，好值得憑呢套戲提名影后啊！」
Bob希望明年有機會再和小朋友一起去旅行、滑雪。（陳順禎攝）
Bob日前在個人IG上載全家人在日本旅行的照片，唯獨自己要工作，被留下在家數手指、吃杯麵，Bob就表示：「冇辦法啦！老豆搵錢仔享福吖嘛，唯有努力啲，希望佢哋玩得開心。」小孩子們也沒有辜負Bob期望：「完全唔記得老豆姓乜，但媽咪拍咗好多片同相，見到佢哋玩得好開心，做老豆嘅唯有努力搵錢，希望佢哋喺旅程入面學到嘢。」
Bob對自己錯過小孩們的成長片段甚感可惜，又希望他們能明白爸爸的付出。（陳順禎攝）
農歷新年期間雖然小孩們不在香港，但身為爸爸的Bob也有幫他們逗利市：「我行出去額頭就寫住你最少要派四封俾我，識埋我老婆要八封添，少少豐收啦！」接下來再追個豬仔，來年可以逗更多利市？「豬仔就唔好喇，睇下後面啲鼠年、牛年，遲啲啦，暫時未有呢個諗法，照顧好而家屋企先！」