【勝利醜聞】容祖兒未受事件困擾 「佢應該要得到公平嘅審判」

撰文:賴家杰
出版:更新:

容祖兒(Joey)近日在網上看了一篇關於朋友的文章,所以突然有感而發,今天(14日)Joey出席品牌活動說到這件事情:「其實好朋友應該要常相見,要出嚟Update大家近況係需要,咁個日睇咗一篇文章就轉發,然後立刻不如約大家當日夜晚見面,因為平時約好耐都約唔到,即日約反而得,所以好開心可以見到佢哋,連最難約嘅阿嬌(鍾欣潼)都見到,所以有時候真係唔係口講就夠。」

容祖兒(Joey)今天(14日)出席品牌活動。(劉智源攝)

Joey數數自己入行原來已經入行二十週年,所以近日公司就強迫她學習一件她不想學的事情:「我係畀滑雪呢樣危險性嚇親,因為滑雪當自己覺得勁時候就會入森林滑,同埋速度感太勁,我驚我撞跌棵樹,所以經過多番考慮我遲遲都未接觸呢個運動,但係踏入呢個圈二十週年,公司鼓勵我做未做過嘅事,咁我唯有...唉,好啦,做未做過嘅事,唯有小心少少。」

Joey笑言不要說阿Gil是最難約出來的那一個朋友,不然她很大壓力。(劉智源攝)

而最近Joey做了一個關於勝利的訪問引來外界不同的聲音,Joey直言並未受到這件事困擾:「同佢工作上有一面之緣,係合約上我的而且確係感到開心,因為歌曲製作係令到我有驚喜,但係亦都因為我工作太忙,冇深入了解呢個人私人生活上有問題,但呢個訪問之後我知道多咗,咁我同公司都覺得有需要去澄清自己對呢件事嘅立場,咁講完清晰就Ok,未至於有困擾,我覺得唔值得令自己困擾,但對我來講佢應該要得到公平嘅審判。」

Joey對勝利的新聞也去了留意一下,對她來說勝利應該要得到公平嘅審判。(劉智源攝)
+5