【歎息橋】拍ViuTV劇難回無綫? 伍詠薇:我覺得唔係咁小器嘅!

撰文:李婉文
出版:更新:

伍詠薇(伍姑娘)今日(19日)出席「香港國際影視展」ViuTV新劇《歎息橋》的發佈會。她透露原來是導演找她去做這個角色,而且她指她演的這個角色原來是劇中最難演的角色,她說:「其實成套劇係講啲好『貼地』嘅嘢,每個人生活嘅模式,即係每個人睇每件事嘅角度唔同,個拍攝手法係好得意。」

被問到伍姑娘是否清減不少,她否認,並指她一直是keep住身形,而不是減磅。(右:岑珈其)(陳順禎攝)

伍姑娘現在拍攝了《歎息橋》,被問到將來再回TVB拍劇會否有難度,她表示不認同:「早幾年大家可能緊張啲,但去到依家呢個年頭,呢一、兩年,已經大家都係走來走去,或者去呢個平台拍完,再返去嗰個平台拍,你見到好多,所以我覺得唔係咁小器嘅事,只要個演員啱嗰套戲嘅話,我覺得個監製或者公司會自動搵你。」

伍姑娘指導演大讚她演出跟以往搞笑的形象大不相同,簡直像是一個新的人。(陳順禎攝)

伍姑娘也認為演藝行業現在的機會較以前多,她說:「因為電影業蓬勃返小小,之前就唔夠多電影,做嚟做去都係嗰班,依家就好好多喇,古生(古天樂)上咗台之後,不錯啊!港產片多咗好多機會啦,啲劇本靚咗好多啦,電視劇又多咗,又有網劇。不過無論點都好,點都唔夠八十年代、九十年代最盛放嗰段時間。但係點都好,我哋作為專業、實幹嘅演員,有團火喺度最緊要。」

伍姑娘透露也有在內地拍劇,但在香港近年就較少。(陳順禎攝)
+2