森美教仔禁民主 霸氣行「家長制」:到18歲到投票年齡先講

撰文:吳子生
出版:更新:

跨國連鎖快餐店今日(11/4)在金鐘舉行歡樂生日會,邀請藝人李佳芯及麥玲玲出席,同場有森美擔任活動主持,帶領一眾小粉絲切生日蛋糕及贏取豐富禮物,場面氣氛熱鬧。森美表示:「喺呢間快餐店開生日會係兒時嘅夢想,以前細過真係未搞過,好似剛才入到嚟聞到嗰陣味道,就諗返細過嘅時候,咁所以呢個都好梗要,到我長大咗,參加咗朋友喺呢間搞嘅生日會,原來嗰種快樂好重要,因為童真唔係好多地方可以搵得返。」

森美表示兒子外國留學經濟負擔重,所以要密密工作搵真銀。(劉智源攝)

森美做主持講嘢叻係人都知,但有時候對住兩個寶貝仔女,都大為頭痛,所以在家實行「家長制度」:「啲人成日都講民主,我就同啲小朋友講,呢個係屋企嚟嘅,唔會講民主,我解釋過畀佢哋聽,好似佢哋細過嘅時候,我叫佢哋食飯,佢哋就話好想食雪糕,喺投票之下2對1,我係會輸,咁嗰餐佢哋咪食得雪糕囉,我反問佢哋咁啱唔啱,佢哋話唔啱,咁所以用民主喺屋企係行唔通,咁我就同佢哋講,等你哋到18歲到投票年齡,我哋先講民主啦!」

每年森美都會寫專欄輯錄成書,他希望子女長大以後,能透過他的作品中,了解父親是一個怎樣的人。(劉智源攝)
+2