【杜汶澤程美段】試過被其他公司拖糧萬元 鄧洢玲:成年先追得返

撰文:吳子生
出版:更新:

鄧洢玲(阿旦)前日(30/4)出席在尖沙咀舉行的「跨平台網紅主播選舉」新聞發佈會。阿旦表示做一位出色主播,需要具備條件咬字要正確:「千其唔好有懶音,不過以前初初我都有,後期都段鍊讀下報紙,練下啲急口令改變發音,不過最梗要係講嘢時唔好咁急,一粒字一粒字咁講會好好多。」

阿旦(左二)今日出席「跨平台網紅主播選舉」新聞發佈會。(陳順禎攝)

日前程美段向傳媒爆料指被杜汶澤拖欠薪金,事後兩人在社交平台互相指責,數臭對方。阿旦表示:「做我哋呢行拖糧的而且確係好普遍嘅,咩機構我都接觸過,都有上述情況出現,如果大家傾咗係嗰個時段出,就要係嗰個時段出,自己都曾經遇過遲咗出糧成萬蚊,事後用咗成年時間先攞得返,不過有時做嘢太忙,自己忘記咗要追糧,到記得時又相隔咗大半年,再搞下成年先攞得返,其實阿澤(杜汶澤)可以試下搵我做嘢,同佢識咗咁耐,點解唔搵我做嘢呢,我肯定唔會追瘦佢,哈哈!」

程美段用兩年時間在網絡引爆五次炸彈! 一文睇清小女孩的威力

鄧洢玲直言娛樂圈工作遲出糧經常性會發生。(陳順禎攝)