【法證先鋒III】歐陽震華親身解釋 Tim Sir第三輯被消失之謎 

撰文:林迅景
出版:更新:

TVB經典劇集由黎耀祥主演《法證先鋒III》於2011年10月首播,承接早兩輯的好口碑,第三輯依舊受到大批家庭觀眾歡迎,第一周平均收視有31點,結局同周平均收視更達至40點之高。最近該劇於深宵時段重播,依舊有大批捧場客,成為深夜劇王。 不過自劇集播出以來,外間一直覺得歐陽震華(Bobby)被黎耀祥頂上,對劇迷來說是一個損失,更有不少人揣測,箇中原因其實是Bobby得罪高層所至。那麼真實的原因呢?就由Bobby親自道出吧。

黎耀祥擔正做主角的《法證先鋒III》於深夜時段重播中,就算是重播,收視成績也相當不錯。(網上圖片)

上周六晚(5月18日),歐陽震華(Bobby)於無綫電視城內客串拍攝《愛.回家之開心速遞》,除了分享與群姐合作的心情,亦談及了最近重播的《法證先鋒》系列。「播嗰時呢,就睇啲唔睇啲,嗰時拍劇嘅密度大過而家,經常都係喺公司,所以好少睇,但係而家(重播)就追返晒。我睇返第一第二集(《法證先鋒I》、《法證先鋒II》),我同林文龍,即係Tim Sir同Dr. Koo之間個化學作用真係幾好睇。」

周六晚(5月18日),歐陽震華(Bobby)回到TVB客串《愛.回家之開心速遞》,與群姐有連番對手戲。(資料圖片)

《法證先鋒》第一、二輯,Tim Sir與Dr. Koo的受歡迎程度之高,相信都不用多說,但為什麼由《法證先鋒III》開始就換了不同的男主角呢?歐陽震華(Bobby)接受《香港01》訪問時解釋說:「嗰時好似係撞咗期!因為我應承咗國內一套劇,應承咗返去拍,後尾可能個期夾唔到,夾唔到就冇辦法啦。其實都冇所謂嘅,《法證先鋒》即係CSI(美劇《CSI滅罪鑑證科》)咋嘛,有《CSI: New York》、《CSI: Miami》。」他更笑言,香港也可以有類似形式。「香港都可以㗎,《CSI:中環》或者《CSI:南區》都得,哈哈哈。」

不少人都很好奇,為什麼Tim Sir(歐陽震華)到了《法證先鋒III》會被換角。(網上圖片)

那麼當時到或是那部國內劇集,令到Bobby要放棄拍攝《法證先鋒III》的機會呢?他表示因為拍攝年期有點遠,所以也不太肯定是那一套劇集。「我都唔敢肯定,法證3好似係2011年拍,11年我好似係撞咗《鍾馗傳說》定《天生無才》呢?都係大陸劇嚟嘅。因為嗰幾年,每年都喺國內拍起碼一套,嗰時都拍得幾密。」失去成為《法證先鋒III》男主角的機會,有否覺得可惜?他輕鬆的回答:「就好似CSI咁,《CSI: New York》同《CSI: Miami》都有不同男主角㗎嘛,會變㗎嘛,變下又會畀多啲新嘅面孔觀眾睇。而家(《法證先鋒III》)由黎耀祥做,我又覺得幾好睇喎!佢同我個做法又唔同,隔離嘅人又好認真去講件案,全部都係英文翻譯中文。第一、二輯,可能我啲英文渣,就唔需要翻譯,直頭講中文,同埋邢家就更加專業,器具同埋化驗過程又更加認真同準確。」

歐陽震華(飾Tim Sir)解釋,當時因為拍攝期與國內劇撞期,所以最終沒有拍攝第三輯。(網上圖片)