【全民造星ll】強尼單飛主持 不怕香港局勢影響收視:人總會好奇

撰文:吳子生
出版:更新:

全城矚目ViuTV大型選秀節目《全民造星ll》一切準備就緒將於9月30日進行首播,屆時必受注目。上屆《全民造星》由強尼(許博文)、黃心美及陳俞希擔任主持,但今屆只有強尼一人擔大旗主持大局,被問到公司為何有這決定?強尼今日出席電影《二次人生》探班時,接受《香港01》訪問時說:「自己真係唔知,但決賽就一向都係自己做,其實我都聽過一個講法,話想着重喺比賽個度,今屆係第二季,可能到第三季唔見我呢。」

強尼坦言不擔心香港近來局勢影響收視,認為人總會收看一些娛樂性重的節目。(梁碧玲攝)

得番一個人做主持會否感吃力?強尼直言:「又唔會,其實已經知個模式係點做,知啲位點做,已經經歷過一次,其實整個團隊都熟,不過今次係多咗意見可以交流,其實有多兩個主持係會多啲效果,但明白今年嘅取向有變。」強尼續說:「其實第一Round我嘅膀胱承受好大壓力,因為第一Round有一百個參賽者,每個參賽者有分半鐘表演,成個流程我只有分半鐘去廁所,第一Round用咗21個鐘完成。」

【全民造星II】首次錄影長達17小時到天光    監製花姐︰瘋狂但熱血

強尼為第二季《全民造星ll》擔任選秀主持。(梁碧玲攝)

(怕唔怕呢個時勢播影響收視?)強尼坦言:「自己就冇擔心過,因為本身已經有一班觀眾,相信有啲人會好奇第二季會點搞呢,反而我覺得呢段時間啲人會搵一啲嘢去輕鬆,因為件事會好漫長,咁其實人都需要有部份生活,咁所以屬正常,如果你問我,我都會搵返一啲娛樂性重啲嘅嘢去睇,之前可能會少啲,因為你會慢慢發覺人生都要平衡,咁所以都係講天時地利人和。」

【全民造星II】MIRROR參戰隨時大執位?   花姐:有閃過呢個念頭!

強尼笑言獨力做主持,最大壓是膀胱,因為忙都行唔開去廁所。(梁碧玲攝)