【男排女將】鄧麗欣憶Cookies開心又辛苦 Ian處男作有Kiss戲?

撰文:葉詩
出版:更新:

ViuTV電視劇《男排女將》周二(17日)舉行開鏡儀式,作為主演的鄧麗欣(Stephy)、顧定軒(Zeno)、MIRROR成員Ian(陳卓賢)曾經都有接觸過排球,所以對拍攝甚有幫助,Stephy說:「開始傾劇本時因為編劇唔係打排球,所以好多術語都唔係咁正宗,我哋都會調節返;有好多戲真係要落場打,Ian就自己打返,唔洗用替身!」Zeno亦因拍攝電視劇而特意去訓練:「我會不斷請教Ian,問佢啲規矩,未拍嘅時候都會搵佢磋波。」熟悉排球的Ian在劇中要身兼替身,替大家完成高難度的戲份。

Stephy希望她的拍檔們可以曬黑一點:「啱啱拼落佢哋嗰度我反而最黑,係有啲壓力,希望太陽大啲,佢哋可以曬黑啲。」(梁碧玲攝)

Stephy自信地說已經全部認得MIRROR成員:「我梗係認得晒,無論係戲裏面嘅名、真名、戲裏面打嘅位置都記得。」Stephy又談到與MIRROR拍劇,勾起了自己過去的回憶:「以前喺組合嘅時候好熱鬧、好多人,係開心嘅,同埋佢哋後生好有能量。」懷念過去的同時,亦為MIRROR成員感到辛苦:「咁多人開同一個時間,化妝都要輪流化!我哋係女仔,以前要早三四個鐘化妝準備。」

Ian發現大家投入拍攝後,漸漸喜歡上了排球,休息時間都會一起練習。(梁碧玲攝)
+8

這是Ian第一次拍劇,他坦言要向Stephy與Zeno學習:「我第一次拍劇,冇乜經驗,大家都好肯幫我,都慶幸大家冇俾太多壓力我。」Ian又坦誠自己在戲中有愛情線:「主要講我暗戀一個女仔,但又追唔到佢,最後會同Zeno劇中嘅妹妹變成情侶。」至於親密戲份Ian說:「我好似都會俾人錫面,唔係錫嘴。」Zeno與Stephy在戲中是特別的關係,但強調二人之間不是師生戀:「我好熱切要搵一個人做我哋嘅教練,有種亦師亦友嘅感覺。」