ERROR拍一周年特輯各自精彩 保錡:唔會好似以前咁搵黐線嘢挑戰

撰文:葉詩
出版:更新:

ViuTV選秀節目《全民造星》打造出MIRROR及ERROR兩個男團,原來在不知不覺間,兩個團體已經出道逾一年,近日ERROR成員就正忙於拍攝《ERROR出道一周年特輯》,據成員保錡(吳保錡)透露,節目將在五月放映,是次節目主題為夢想、一直以來想做的事,而ERROR四位成員則需要各自決定自己部份的拍攝主題。

保錡與阿神同為《全民造星》出身,彼此之間的火花不錯。
+3

保錡的部份是找了一些藝人朋友合作或是Crossover:「係突破自己嘅一個挑戰,我覺得會比以前好,唔會好似以前咁搵黐線嘢挑戰,作為藝人嚟講係好事,始終會長遠啲。」保錡與同為《全民造星》出身的阿神(曾贊學)日前到中環遮打花園進行外景拍攝:「同阿神嘅合作喺香港應該第一隊人咁樣玩,我好希望日後可以同阿神有綜藝節目,因為我哋嘅火花真係好好,好肯定我哋會畀到歡樂香港人。」阿神也說跟ERROR合作有團體一分子的感覺:「上年佢哋拍嘅節目我幾乎都有參與。」

保錡又透露另外還找了本地樂隊Dusty Bottle個JNY當嘉賓,而他們會有怎樣的合作、還有什麼嘉賓,就要留意節目播出了。(Instagram/@jnybeatzz)

在新冠肺炎(俗稱:武漢肺炎)肆虐的情況下進行外景拍攝,保錡談到每天的確診數字均不斷上升一定會有擔心,但是基本的防疫措施都會做足:「戴口罩、搓手液,但拍嘢時始終冇得戴口罩。」阿神亦有同樣的擔心:「之前出去做《今日疫情》,就算卜咪都有戴口罩,嗰日拍攝時冇得戴,因為條橋一定要喺嗰個地方做,所以冇得擔心,一停機都有戴返口罩同用搓手液。」