《歎息橋》對戰《降魔的2.0》冇壓力 周家怡:要畀觀眾有得揀

撰文:葉詩
出版:更新:

ViuTV全新愛情懸疑劇《歎息橋》將在下周一(11日)晚上九時半在播出,這是周家怡繼2016年的《瑪嘉烈與大衛系列 綠豆》後再度與林保怡(Bowie)合作:「 佢做監製就場場都喺度,其實係好事,始終佢係非常有經驗嘅演員,就會同我哋分享。(大壓力咗?)唔會!我哋成個團隊台前幕後都好融洽,開工(疫症)前Bowie已經搞咗邊爐聚大家一齊玩,所以埋位之前大家已經熟咗。」

周家怡大讚自己的年輕版演員談善言是個很好的演員,皆因她完全融入角色,她的演出亦讓觀眾很入心,其中一場在茶餐廳,阿談打電話給陳健朗的戲,令周家怡大為感動。(陳順禎攝)

無綫現時亦正在播放重磅劇《降魔的2.0》,周家怡就笑說沒有壓力:「唔會吖,都唔同時段,睇完8:30咪睇9:30,咪成個電視業都興旺,希望大家都嘗試多啲新嘢、唔同種類嘅嘢,令觀眾有得揀,唔好畀觀眾覺得睇嚟睇去都係嗰啲嘢。」周家怡又認為《歎息橋》的題材較新穎,故事發展也較燒腦,但始終要有新嘗試:「但冇人踏出呢一步,就永遠都冇(新作品),咁香港嘅戲就永遠都只得經典,但嗰啲經典就已經好經典,冇理由成日都拎經典嚟睇㗎?」周家怡又說自己也會看《降魔的2.0》,作為演員應該什麼作品都看:「同埋有啲唔公平嘅係,有好多幕後好努力、有啲訊息想帶出,唔可以因為個台就唔睇。」

+6