賴彥妤（Vivienna）今日（27/9）現身荃灣出席無綫新劇《巨塔之后》宣傳活動。賴彥妤在新劇中飾演一名手術室護士，而且與宣萱有不少對手戲，拍攝過程相當有挑戰性。

對於首次與宣萱合作拍劇，賴彥妤接受《香港01》訪問時表示難免會感到怯場：「記得有場戲係講陳展鵬佢昏迷入院，而宣萱當時就企嚮我旁邊，我就要為展鵬急救，要喺佢個身上心電圖貼片，但可能因為太過緊張，我係貼錯線貼錯咗位置，搞到NG，反而我係怕整親展鵬，搣嘅時候怕佢會痛。」

賴彥妤又指拍攝現場有真正的醫生貼護士在場指導，同時亦是實景手術室拍攝：「其實拍嘅過程，所有關於醫療嘅嘢都係唔可以錯，就算醫療用具嘅擺法都好講究，咁所以每一樣嘢都真係好仔細無瑕。」