APEC專訪|李聖潑評AI泡沫:不能不斷打興奮劑 談英偉達事件啟示
人工智能(AI)泡沫論成為熱話,市場擔憂資本開支與債務危機,加上英偉達捲入走私晶片風波,令AI概念股震盪。正在深圳出席今日(18日)亞太經合組織(APEC)工商領導人峰會開幕的信義光能行政總裁李聖潑,接受《香港01》專訪時表示,AI震盪是階段性問題,「你唔可以不斷打興奮劑㗎,適當慢少少反而有利於健康,唔好催得太盡」,坦言所有事情發展得太快會有泡沫,惟深信AI是一場巨大生產力革命,需求只增不減。
他說,必須承認美國企業GPU晶片先進,美方倘施加限制,不想中國發展得太快,中國唯有自強不息,急起直追,「我哋優勢係導入新技術,或者適應新潮流好快嘅」,不過中國不少算力設備都是用英偉達,且對方的設備相對好用,故此影響可以很大 。
李聖潑:不需過份憂慮 AI 退潮 總不能不斷打興奮劑
本身是港區人大代表、香港工商總會會長的李聖潑在深圳前海出席峰會期間,接受《香港01》訪問。他表示,全世界對 AI 算力需求最大的肯定是美國和中國,不需過份憂慮 AI 退潮,因為 AI 應用在工作生活,已創造剛性需求,大家都意識到其強大及便利,「大家會一定會會用嘅,不過係用得多同少嘅啫」。
你唔可以不斷打興奮劑㗎嘛,適當慢少少,反而係有利於個健康,唔好太盡。
他舉例其集團引入 AI 識別員工報銷單據真偽的系統,「同公司講我喺西安食飯,但就報銷一張武漢嘅住宿,當然唔排除佢經武漢去西安啦,咁但係我哋一分析省卻好多彎路」。
AI發展減慢非壞事 李聖潑:所有嘢發展太快會有泡沫
不過,他說 AI 對信義系集團的重要角色體現於生產線自動化管理,「由啲料投落去個窯爐開始,一路到最後嘅產品,中間唔經人手,AI 可以幫我哋不斷優化技術流程」,目標都是更節能、更具經濟效益。
AI 係擋唔住,慢少少唔係壞事,所有嘢發展得太快佢一定會有個泡沫,宜家慢返啲、煞一煞車,可能對成個發展步伐、進度更理想。
李聖潑:倘美對華施加限制 中國更自強不息
儘管近期 AI 概念股震盪,引起信心危機,李聖潑直言美國一定不會放棄AI。大國角力之中,他說美國被視為不想中國發展、崛起太快,倘對華施加限制,從壞的一面看,必須承認美國GPU晶片最先進、好用;從好的一面看,中國便自強不息,「人哋唔俾你用,你咪自己努力囉」,中國 AI 算力設備公司要急起直追,畢竟客觀上看差距仍存在,中國優勢除了電力,還有適應新技術,「中國導入新嘅技術或者適應新嘅潮流、趨勢,我哋係好快嘅」。
對信義集團而言,李聖潑說最大機遇是電力,撇除大型國企及央企,信義系集團的集中式太陽能發電站領域發展,穩居前列位置,「算力嘅基礎就係電力,咁我哋嘅電力就有地方去啦,而且我哋提供綠電,對電力嘅需求同埋使用都有好大幫助」。
不過,美國參眾兩院由民主黨控制,被視為不熱衷於AI發展,貿發局主席馬時亨早前接受《香港01》訪問時坦言,可能令佔本港整體出口總值逾半的半導體出口貿易額減少。李聖潑說,美國不支持AI發展一派人的底層邏輯,是覺得AI算力中心要用很多電,「搶埋佢哋日常生活同埋生產嘅用電,佢本身個電力供應唔係咁足夠,所以佢覺得你先保障晒我先」,另一個原因是不想美國高端算力設備為中國所用。
AI 需求係客觀存在擺喺度,只會增加唔會減少。
APEC峰會焦點之一是中美元首碰頭,李聖潑表示美國總統特朗普看起來也很尊重國家主席習近平,有理由相信中美關係會逐步好轉、緩和,符合雙方共同利益。