「擋門等人」行為非常自私！有港鐵乘客於網上發文表示，早上繁忙時間於輕鐵屯門站月台見到1道列車車門久久未關上，他原以為車門出現故障，隨後竟發現是有1名女學生用腳阻礙車門關上，等待其兩位同學上車，他拍下影片批評「阻住人哋返工得唔得㗎」。

網民留言批評該群學生，「行為自私，影響其他乘客」、「香港啲車咁密，頂得嚟下1架都就到啦」、「私家車咩，要等埋就坐的士啦，一係就早啲出門口」。有網民就嘗試解讀學生行為，「輕鐵無咁密，同埋下1架又未必係同1條路線」、「掹車邊返學，呢架車上唔切，佢哋就會遲到」。

港鐵回覆《香港01》時提醒乘客不應作出干擾車門行為，視乎現場實際情況，若有需要，職員會採取跟進行動。港鐵又說，相關乘客可考慮乘搭下一班輕鐵，不應影響車上其他乘客。

該港鐵乘客於Threads發文表示，事發於1月20日早上8時01分輕鐵屯門站月台，「仲以為中間對門壞咗添，原來係有人特登頂住，阻住人哋返工得唔得㗎」，又說「咩學校嚟㗎，咁都得嘅」。

學生用腳阻輕鐵關車門　等兩同學上車

14秒影片見到，列車停在月台，車廂內有穿着校服的女學生用右腳頂着車門，阻礙車門關上，鏡頭往左拍攝時，見到另1道車門已關好。4秒後，1名包着頭巾、穿着同樣校服的學生趕至衝入車廂，隨後有另1名男學生跑進車內。影片至第九秒，車門才關好，但至片尾仍未開出，拍片乘客慶幸道「哇，好彩冇搭呢部」。

網民：返學遲咗上車唔代表大晒

網民留言批評，「返學遲咗上車唔代表大晒，早啲起身啦X街」、「輕鐵係幾疏下，不過都係no excuse（沒藉口）」、「還要穿校服，影響學校」、「佢哋仲要長期慣犯嚟，以前已經影過佢哋好幾次咁樣」。

另有網民說，「send返畀佢哋學校叫佢哋監管下」、「唔好理咩人種或者邊間學校，做得唔啱就要出聲」。

李琳明中學：會嚴肅處理

涉事學生就讀恩平工商會李琳明中學，該校表示已接獲通知，並已找到涉事學生，將會嚴肅處理。

有片｜屯門輕鐵兩女生擋門阻開車　疑助同學趕上　學校：嚴肅處理

港鐵附例：干擾車門最高罰2,000港元

根據港鐵附例，任何人不得干擾鐵路處所內的任何門或閘，包括任何列車車門及月台幕門，如有違規，最高罰款2,000港元。

（Threads@random_tree_sleeping）