本港近日天氣不穩，市民需要攜傘外出，否則隨時變「落湯雞」！本港一名女生日前在Threads表示，「第一個帖文想獻俾好人好事」，晚上7時突然傾盆大雨，「無帶遮，所以喺停車場等停雨」，豈料「越來越大，完全行唔到」，樓主大感無奈之際，突然有一名戴眼鏡的陌生年輕男生遞上一把全新縮骨遮給她。樓主立即詢問如何歸還，對方回答「唔使啦，公司派嘅有好多」，然後離開。

樓主認為港人通常外冷內熱，但「落雨就默默幫人擔遮，見人喊就默默遞張紙巾，見人唔舒服就遞枝水」，形容今次「雖然好小事，但好感動」、「想多謝呢位四眼哥哥」、「好人一生平安 」。

勿以善小而不為，香港好需要呢一點善意。

帖文引來許多網民留言，大讚「四眼男」行為暖心：

「香港人普遍都係心地好，不過唔表現出嚟」
「下次到你幫返人」
「把遮有冇公司名？可以狠狠地讚下間公司請咗個好員工」
「好好將呢份溫暖傳承下去」

根據天文台官方網站，本港近日天氣不穩，由8月22日至8月30日均有驟雨，當中8月24日起一連三日都有狂風雷暴。

（Threads@wingkiipipip）