【作家的謊言】張建聲農夫約埋去滾 何珮瑜滅火筒踢竇「降溫」

撰文:許育民
出版:更新:

向西三部曲最終章《作家的謊言:筆忠誘罪》經已上畫,由張建聲(Justin)飾演作家「徐哲」,與農夫的陸永及C君份屬老友,三個男人除了鍾意摸酒杯底傾偈外,仲會約埋一齊滾。雖然成功突擊多次,不過上得山多終遇虎,今次終於被何珮瑜(Jeana)扮演的老婆識破,要去掃場。

好兄弟一齊落去玩,點知就出事。(官方劇照)

戲中講到Jeana好醒目,單從三個男人的WhatsApp Group留言及emoji的古怪,就識破老公行蹤,並即時衝去夜場踢竇。這場戲爆嬲的 Jeana 先拉住夜場媽媽生又鬧又打,更一腳踢落叠起的香檳酒及酒杯,搞到全場爆樽,再開埋滅火筒為班男人「降火」,令 Justin 同農夫成臉粉。

老婆查出老公行徑,一出現這個眼神已心知不妙。(官方劇照)
擒賊先擒王,踢竇首先要制服媽媽生,真係好狠。(官方劇照)

Jeana在新片中做師奶完全冇得靚,全片近乎素顏上陣。Jeana:「冇得靚我不知幾開心,等咗呢個機會好耐。套戲拍完一年,最近再睇番先發覺套戲劇情原來好複雜,但因為拍的時候是跳拍,所以好多謝導演同編劇一路指導。我記得嗰段日子開工,都keep住個狀態,要hold住這種情緒是辛苦的,試過喊到眼腫都唔敢放鬆。」