【獅子王】小辛巴真身可愛萌爆 導演透露唯一呢幕係實景拍攝 

撰文:陳穎思
出版:更新:

1994年迪士尼動畫《獅子王》(The Lion King)改編的真人化電影最近上映中,全球票房已突破10億美元,證明這部經典魅力不減。
雖說是「真人化」,其實電影99.9%的畫面都靠CG製作,不過導演Jon Favreau近日就話,唯獨一幕是實景拍攝,究竟係邊幕?

導演Jon Favreau透露全套戲只得呢一幕係實景拍攝。(網上截圖)

原來電影的第一幕日出就是實景拍攝,Jon Favreau透露攝製隊專程到非洲拍下這美麗的一幕。至於全片其餘1490場戲,都是靠動畫及CG打造而成,難怪由首條電影預告推出開始,就有人質疑這部真人化《獅子王》到底有幾真。不過要動物說話、做動作及表達感情,真實拍攝又是天方夜譚。

又真係相當似樣,提提大家,左邊先係假嘅!(電影劇照、DallasZoo)

雖然電影是後製而成,但動物的一條毛、一個表情都是有根有據,例如小獅子王辛巴(Simba)的形象,就是根據美國德州動物園DallasZoo的小獅子的樣子來設計,原來真實版的小辛巴,仲可愛過上鏡嗰隻!

點擊下圖睇盡小辛巴本尊可愛相

+29

小辛巴本尊叫Bahati,是DallasZoo過去43年來首隻自家培育的獅子,父母都在動物園居住。據悉,Bahati出世時不足磅,要靠保育人園餵牠進食特製營養劑,先可以健健康康地快高長大。不過,今時今日Bahati已經大個咗好多,唔係小辛巴咁樣,想重溫佢個可愛樣,就要睇相同睇片了!

佢哋就係Bahati嘅父母。(DallasZoo)

想睇真‧小辛巴同爸爸嘅有愛活動,點擊以下連結:

bit.ly/DZLucky1