颱風香港｜蝴蝶颱風｜熱帶氣旋蝴蝶襲港，打風儲糧少不了即食麵！即食麵中，韓國即食麵特別受港人歡迎，不過市面上的韓國公仔麵五花八門，牌子極多，應該選哪一款才好？有網民曾出Post推介10大好味的韓式即食麵，芝士麵、新出的蠔湯麵都有上榜！準備到超市買儲糧的大家，記得睇下文推介啦！

👉follow 好食玩飛ig ✈️免費睇旅遊飲食攻略

天文台表示，一號戒備信號今日（12日）大部分時間維持。天文台預料未來兩三日風勢頗大，海有湧浪，星期五（13日）及星期六（14日）有狂風大驟雨，其中周六高地更吹8級風，預測的風力明顯有上調；而星期日（15日）初時驟雨仍然較多，初時有狂風大驟雨及幾陣雷暴，高地風力亦達8級。

蝴蝶來襲，不少人已開始到超市買定儲糧！以下為10款網民超推的韓國即食麵！

提到韓國即食麵，港人最常聽莫過於辛辣麵，細心留意，其實韓國即食麵有很多牌子及口味，即便麵質都各有特色，辛辣麵僅屬入門級別。今次記者整合了網民心目中的世一韓國即食麵，不知大家又啱唔啱心水？附上煮麵小秘訣，讓大家在家輕鬆煮出地道的韓風口味。

網民熱推　必食10大韓國即食麵

韓國即食麵生產商每年都會出產新口味為大眾製造驚喜，早前有網民在討論區中分享的食麵心得，除了經典的芝士味麵、炸醬撈麵及薯仔麵，今年新出的蠔湯海鮮拉麵及辣拉麵都好評如潮！雖然好食，但部分即食麵入貨量少見，很多網民抱怨一麵難求，基本上買到也是撞手神。

即睇網民熱推10大韓國即食麵，排名無分先後 👇 👇 👇

1. 不倒翁 - 超濃芝士拉麵
2. 不倒翁 - 真蠔海鮮風味拉麵
3. 三養 - 香辣雞肉味撈麵
4. 農心 - 炸王炸醬撈麵
5. 農心 - 安城湯麵
6. 農心 - 浣熊海鮮烏龍麵
7. 農心 - 薯仔麵
8. 八道 - 一品炸醬撈麵
9. 韓國 - TheMishik 美食匠人辣拉麵
10. 不倒翁 - 金拉麵

韓國即食麵煮麵秘方加白醋？5招煮出濃鮮香

根據世界即食麵協會（簡稱WINA）的報告，韓國是全球消費即食麵最高的國家。韓國人不但對食即食麵好執著，加入芝士、雞蛋、大蔥、泡菜、年糕、午餐肉，香腸等各式配料去豐富麵食，連煮麵時間、調味粉跟麵餅下水的先後次序都好講究。

1. 550ml法則
即食麵湯底濃度會影響整體口味，建議550ml清水加入一整包調味粉味道剛剛好。

2. 調味粉先投入水中，後放麵餅
韓國人先會在水中倒入調味包，後煮熟麵，提高水的沸點，再入麵條，質地會更好。

3. 加入白醋提鮮
韓國人在煮麵時加入兩茶匙白醋，以酸味增加湯頭的香口鮮濃，醋亦有助麵條更彈牙。

4. 按個人喜好加配料
在即食麵中加入泡菜、洋蔥、大蔥等，加強酸辣度，增加湯頭鮮甜。

5. 麵8分熟時下生雞蛋　冚蓋煮3分鐘
當麵煮到8成熟時，是打雞蛋最好時間，雞蛋完整打在麵條上，蓋上蓋子多煮3分鐘，水煮蛋輕鬆成形，伴麵同食一流。

（全文完）👉follow 好食玩飛ig ✈️免費睇旅遊飲食攻略