【婚姻合伙人】楊明角色只看一個女人 高海寧:唔介意搵咁嘅男人

撰文:
最後更新日期:

楊明與高海寧(高Ling)今日(11日)以主角身份出席《婚姻合伙人》宣傳活動,高海寧飾演的貝競枝因為遭父親拋棄,導致她愛錢如命;楊明飾演的郎朝勇則對貝競枝一見鍾情,於是為了她而發奮圖強,二人於是合作做地產。貝競枝的人生只有錢、而郎朝勇的人生只看著貝競枝,但高海寧和楊明的觀點都與角色不同,楊明說:「我自己去睇呢個角色都覺得係咪傻㗎!」高海寧則說:「現實中我會重情多啲,但我唔介意搵個郎朝勇咁嘅男人!完全係絕世好男人、超級大暖男,好難遇到咁嘅男仔。」

楊明與高海寧二人分別穿著西裝及婚紗出席宣傳活動,十足婚禮現場般。(陳志嵐攝)

《婚姻合伙人》2017年4月就已經拍攝完畢,時隔兩年幾經波折才面世,高Ling認為好事多磨;楊明就認為劇集沒什麼時效性:「其實我哋都好期待套戲出,有個好得意嘅感覺會帶畀大家;我都拍咗二十年戲、又睇咗三十幾年戲,我覺得呢套戲會帶畀觀眾唔同感覺。」高Ling又言:「我覺得自己呢套最入戲,唔可以100%話自己做得好好,但我拍嗰下當下嘅感受好真。」楊明與高海寧都是第一次擔正當男女主角,二人都異口同聲說甚是緊張,楊明說:「每一次開頭要進入角色都係比較慢,所以第一個禮拜比較緊張。」高Ling說:「拍嗰時好緊張,因為我係第一次咁重戲份,劇集個拍攝節奏又好快,所以嗰陣唔知自己做成點就好冇安全感。」

楊明與高海寧透露二人在拍攝之前沒有對過戲,可見二人之間甚有默契。(陳志嵐攝)

楊明與高海寧繼《單戀雙城》(2014)後再次合作,但二人當時一起拍攝的戲份很少,所以關係不算熟絡,甚至有點生疏,連導演都說:「你兩個角色應該好有默契,但點解你兩個一啲都唔熟?」因為導演這句話,令高海寧完全放開自己:「之後就好快入咗角色,後尾個階段我要成日喊,我一望到佢(楊明)就喊,唔需要培養情緒、記對白,由裡面出晒嚟。」二人後來越拍越有默契,又互戴高帽,楊明說:「有時自己喺屋企諗到天花龍鳳都冇用,要去到現場、對手俾啲咩你,對手好就可以好快埋牙。」高Ling說:「楊明做得好好,所以帶到我入戲。」

楊明透露活動中的婚禮儀式環節令他緊張,但暫時還是以工作為重。(陳志嵐攝)

+7
+6
+5


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。