張敬軒首次與談善言合作有挑戰性:第一次識,就要鬧佢

撰文:
最後更新日期:

張敬軒昨日(15日)出席手袋品牌活動,軒仔昨日推出新歌《空手而來》,他透露歌曲是講述一對情侶的故事,男方是一個畫家,而兩人面對着在生活上金錢上的分歧。歌曲MV預告在社交平台得到網民讚賞,由軒仔夥拍談善言擔任男、女主角。軒仔直言首次與談善言合作就已經有大挑戰,「因為我第一次識人哋,就要鬧人喎,仲要有肢體嘅沖撞,所以拍嗰日都好heavy,成個片場都好安靜。」

軒仔昨日(15日)出席手袋品牌活動。(梁碧玲攝)

軒仔近年成日網上拍片,大行搞笑路線,早前仲化身樂壇新人「火龍果」惡搞容祖兒新歌《Pretty Crazy》,被問到會否擔心突然又出新歌變返張敬軒,歌迷會一時調節不來,軒仔笑言:「係啊,好多人睇完火龍果啲搞笑之後,見到我派歌,佢哋以為我派啲搞笑嘅歌,所以諧星之一去不復返。」相信係軒仔唱的歌,歌迷都會喜歡的!

軒仔在5月尾會在澳門開演唱會,他笑指自己準備已充足,反而是兩位新人——「降兩度」和「火龍果」爭寵,未知誰會上台?(梁碧玲攝)

另外,軒仔早前在IG貼出自己16歲時為雜誌拍攝的照片,懷緬過去,今日軒仔回應:「其實我覺得自己細個係好似舊飯咁,又唔係好知自己鍾意做啲乜嘢、自己想做啲乜嘢,所以特別有時見到Stanley、姜濤(同場出席活動)就會覺得,我如果細個嘅時候,再努力啲就好喇。但係冇啦,時間過去咗啦,所以要把握好每一個當下。」

軒仔昨日推出新歌《空手而來》,他指歌曲是他今年的第二首主打歌。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。