【唐人街】唐詩詠並非酒店密會女主角:唔介意大家幻想我係個女仔

撰文:
最後更新日期:

唐詩詠周三(29日)與電視劇《唐人街》一眾演員及工作人員進行收工飯聚,現場氣氛非常熱鬧。詩詠分享拍攝時的每個片段都很難忘:「我從來都冇做過一個老千嘅角色,最難忘都係打戲,我拍親戲都係俾人打多,好少會打人,第一次打人覺得好難好難,今次各方面都好大挑戰。」

唐詩詠與《唐人街》一眾演員進行收工飯聚。(陳志嵐攝)

每逢拍打戲,詩詠又會找同場的演員練習:「我一得閒就會捉住邊個同場嘅,例如伍允龍或者武指喺到,我就捉住佢哋同我練。我記對白OK嘅,但記招好差,所以我要重複做好多次先記得。」因為第一次挑戰打戲,所以拍攝期間在調整力度上也下了不少功夫,唐詩詠說:「我記得第一日去打嘅時候監製話我太細力,我就去練大力啲,點知之後又太大力,我就好驚打到佢哋,我就發現打戲有好多技巧需要去練習,對唔住啊!」

唐詩詠第一次挑戰打戲,原來有很多事項需要注意。(陳志嵐攝)

唐詩詠今年的生日也在拍攝中度過:「嗰一日係由朝開到晚,好開心佢哋記得我生日!嗰一日就冇咩人同我傾計,好平靜、好冷淡;夜晚嘅時候排排下戲,監製突然之間話:『唔得!再嚟過!』我就諗死啦,係咪我做錯嘢,我就再咪熟劇本,然後佢哋就送咗個蛋糕過嚟。我之後先知原來佢哋諗咗好耐,點樣去俾個驚喜我,嗰下係好感動。」

唐詩詠希望下月能有休息時間可以去個旅行。(陳志嵐攝)

博客葉朗程日前分享了一個與女子到六星級酒店私會的故事,而唐詩詠就被指是文章中的女主角——金牛座女子,她就作出否認:「其實個作家都澄清咗,我之前冇講嘅原因係我覺得唔係事實嘅嘢唔使回應,唔關我事我更加唔去回應。嗰晚同我食飯嘅圈外朋友都識咗十幾年,佢哋一定唔會係嗰啲人,所以我冇去考究,其實上網攞一張相好容易。我唔介意大家幻想我係個女仔,但個故事唔係我嘅真實故事,大家要分返開。」說到對愛情的看法,詩詠說:「我覺得人越大,就覺得緣份越重要,愛情係冇得去心急,只係佢嚟到嘅時候你捉唔捉得住。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。