MIRROR吸引過百粉絲撐場 姜濤表演時被隊友撞傷眼︰我踩台企前咗

撰文:
最後更新日期:

組合MIRROR周日(2日)出席防曬品牌舉辦的沙灘派對活動,雖然12缺一,成員江熚生(Anson Kong)未能出席活動,但仍吸引過百「鏡粉」到場,有粉絲更在早上6時多就到場,風頭超勁。11個男生都很喜歡出席戶外的活動,盧瀚霆(Anson Lo)表示︰「戶外活動好有夏天暑假開party嘅感覺,同埋熱鬧啲,同fans嘅距離會更加近。」今早天公造美,天氣勁好,不過呂爵安(Edan)就話有粉絲因為抵受不住炎熱的天氣中暑,他說︰「我哋覺得好唔好意思,因為佢哋想嚟睇我哋,所以希望唔會有咁嘅事情發生,身體最緊要。」

MIRROR多謝粉絲到場支持他們。(劉智源攝)

MIRROR在台上又跳又唱,唱出他們的歌曲《一秒間》﹑《破鏡》和《ASAP》,非常落力,令現場氣氛再升溫。不過未知是否太落力,表演時出了小意外,成員姜濤被Anson Lo不慎弄傷,左眼眼肚位置腫了一片,姜濤就解釋︰「頭先跳《一秒間》嘅時候,同Anson Lo有發生少少碰撞,應該係我踩台嘅時候冇按照原本綵排嘅位置,企前咗少少,所以嗰一下有啲碰撞。(都見到腫咗喎?)係啊,不過好彩跟住落嚟冇太多公開嘅活動,所以都有時間可以回復返。」

6月9日是Ian的正日生日,當日他更會開個人的mini live concert,實行同fans過生日,Ian說今年的生日願望是希望音樂會順順利利,世界和平,大家身體健康,開開心心。(劉智源攝)

被問到他們平時愛不愛到沙灘玩,隊中的肌肉擔當王智德(Alton)和邱士縉(Stanley)都異口同聲答YES!不過Alton就指今年出道後就比較少機會到沙灘玩,隊長楊樂文(Lokman)就指︰「我哋上年都有得曬,喺邵氏出邊曬囉。」說到一年前的夏天參加《全民造星》時的點滴,其實只是一年的時間,他們就由素人變成明星,他們都認為看到《全民造星II》的一班參加者勾起了他們上年的回憶,Lokman說︰「因為有啲參加者係我哋朋友,同佢哋傾偈,講佢哋開始排舞有幾辛苦﹑call幾早收幾夜啊,其實都諗返起我哋之前排舞好攰,但係上到台就要即刻sharp醒返嗰啲經歷即刻都浮現返出嚟!」陳卓賢(Ian)仲話上年的今日(6月2日)好似是第一日的開廠表演,看來MIRROR雖然做了師兄,但對上年的經歷都記憶猶新呢!

表演時,Anson Lo和姜濤有小碰撞。(劉智源攝)

活動完結後,經理人花姐在IG發story跟大家說︰「姜濤只是皮外傷,大家不用擔心。」(Instagram@ahfa0908)

點擊下圖觀看更多圖片︰

+10
+10
+10


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。