【逃犯條例】陳國坤撐警隊對「暴徒」不手軟:一個都唔好放過

撰文:
最後更新日期:

香港特區政府擬修訂《逃犯條例》遭到大批香港市民的反對,已引發了6月9日與6月16日兩次反修例大遊行,以及6月12日於金鐘政府總部外的示威行動,最後警方與示威者爆發了衝突並演變成流血事件。事後,警方被質疑濫用暴力,但亦有支持警方有效執法的聲音。於周星馳電影《少林足球》入面飾演四師兄小龍一角而為人熟識的陳國坤,就站在支持香港警察的一方。連日來他都有於他的facebook出post發文力撐警隊,又大鬧示威者是暴徒抵打,更激動到爆晒粗。

陳國坤之前喺網劇《反黑》演警察。(陳國坤facebook圖片)

陳國坤在facebook上的撐警留言包括有:「緊喺打X你啦,幾百人圍住啲警察你唔X放出嚟,XX!暴徒呀」、「乜X嘢世界,痴X線,支持香港警察,和平抗議無問题,但暴徒一個都唔好X放過」、「香港警察對這些鼠輩千萬不要留手」。對於日前墜樓喪生的反修例黃衣男是遭人利用,陳國坤就表示:「烈士......代表不顧家人感受,放棄關心你嘅人的愛、期望!我X唔信他們想你以死作代價.....R.I.P., 利用你的人希望他們早日與你相見」。

佢對反修例黃衣男離世有自己嘅睇法。(陳國坤facebook圖片)

而6月16日大遊行當日有一幕是示威者的人潮自發開路給救護車,畫面猶如聖經中摩西分隔紅海的情形,有關短片在網上瘋傳,就連日本網民都大為驚嘆和讚美。陳國坤見到這個情景就話:「唉,和平抗議係好事,但一日到黑,外國……外國,鬼佬養你哋咩,我XXXX我哋喺香港人呀死鬼佬!假绅士,僞君子,我都唔想太激進,但香港就係自由城市,我有我發言權,分乜X嘢红海jer……好自豪咩,原本救護車係應該行70km/h,依家喺個紅海裡面行2、30km/h.....救人呀!刻不容缓架....唉」大唱反調批評示威者阻礙救援。

佢批評示威者阻礙救援。(陳國坤facebook圖片)

陳國坤的言論惹來大批網民的圍剿和攻擊,紛紛留言甚至在討論區開Post鬧爆他。他於昨日在facebook post了一張寫上:「請停止惡毒留言,彼此未必同一立場,但大家都應該保留人性和良知」的圖片。他亦於今日下午留言表示:「大家努力維護自由,而且又咁X團結,言論自由呀,我係X暴徙(徒)呀X頭,自己對號入座咁X蠢都有嘅!夠薑面對面X,留言無X用㗎。」

佢支持警隊執法。(陳國坤facebook圖片)

點擊下圖逐格睇陳國坤連日嚟於facebook嘅言論,以及佢其他相:

+13
+12
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。