【包青天再起風雲】傅嘉莉拍打戲被擊中氣門險窒息：驚到喺度喊
撰文：吳子生
出版：更新：
傅嘉莉（Kelly)今日（2/8）現身將軍澳出席無綫劇集《包青天再起風雲》造勢活動。對於劇集終於可以面世，Kelly表示：「心情好興奮又開心，每一次睇返自己嘅作品會好深感覺，會諗返起拍嗰陣時嘅感覺，所以係好難忘嘅，又其我好鍾意家姐胡定欣及乾爹KK（張國強）嘅父女情，三個人好有家庭嘅感覺。」
Kelly直言人生終於體會到窒息的感覺，原來非常恐怖。（陳順禎攝）
Kelly透露早前拍對打戲時被擊中氣門，頓時有種強烈窒息感，現時猶有餘悸：「個場戲講述我同東洋魔女對打，當時大家都好投入，個陣時係我第一次被人打中氣門唞唔到氣，其實果一刻自己都唔想喊，我預咗打會受傷同埋好辛苦，嗰幾秒呼唞唔到，真係好驚唔知點算，跟住驚到自己喺度喊，係連續兩次發生，不過最後都堅持拍晒先收工。」
Kelly今日穿上相撲衫。（陳順禎攝）