【開心速遞】回歸劇組導演叫唔好扮女神 鄺潔楹:會加返啲霸氣!

撰文:林迅景
出版:更新:
終於等到鄺潔楹返嚟。(電視截圖)

《愛.回家之開心速遞》中,鄺潔楹(Judy)飾演的大學校花Venus自上年11月播出的第475集後,就要到外國留學做交流生,即變相劇組「被消失」令不少觀眾不捨,不過相隔200集之後(第648集),Venus終於再次登場。本集劇情更是以她為主軸,講述Venus在不同時間與池子孝(阮政峰飾)和George(張明偉飾)相遇,同時被他們暗戀。後來在O-Camp時,身為組媽的Venus更被他們以各種英雄救美式的方法追求。

池子孝(阮政峰飾)同George(張明偉飾)爭一個Venus,最後會鹿死誰手呢?(電視截圖)

鄺潔楹(Judy)接受〉《香港01》訪問時,表示再次回歸《開心速遞》劇組,心情十分緊張:「好耐無拍劇啦,同埋收到劇本嗰時,知道有感情嗰陣真係有啲壓力...我有特登睇啲校園青春劇,嘗試搵返嗰種青春愛情嘅感覺㗎。之前一直都係講Venus被人追,估唔到今次Venus喺感情方面都幾主動,同埋呢,CP方面自己都好估唔到。」與池子孝、George他們會繼續有感情線?她透露:「同佢哋會Keep住有故仔,之後嘅發展會好搞笑!不過就應該唔會再同安仔再發展啦,其實我都唔想拆散佢同我好姊妹Bonnie嘅感情。」

兩個只能活一個的話,妳又會點揀?她反問:「你覺得呢?」之後補充說:「其實睇埋今集,大家都知我係鍾意阿孝多啲。」

鄺潔楹(Judy)又返《開心速遞》啦。(受訪者提供)

今次被加重戲份,會否與以前的Venus不同?她笑說,導演有提議過她演戲要做返自己:「哈哈,導演有聽過我上《公子會》,佢話我完全唔係女神嗰種人!所以今次我會加返自己小小嘅Character。因為之前我成日覺得Venus係校花,所以做所有嘢都要好女仔同斯文咁,但係導演就話咁做太普通,可以加返小小自己嘢,不過佢又話唔洗做我最真實個面,好複雜吖,哈哈。」加甚麼元素?她笑言:「加返啲霸氣!」

好多對白都好抵死好笑:

+5
發表評論...