【3日2夜】遊台灣澎湖教烤蠔小知識 白雲：出咗水就可以夾嚟食
撰文：林迅景
出版：更新：
周六（7/9）的《3日2夜》由無綫藝人白雲主持，雖然就只得遊覽台灣澎湖一集，但依然引起不少網民討論。睇完節目網民們亦讚賞她的表現，更說白雲主持夠淡定又自然。昨晚一集，白雲也到了澎湖與陽光玩遊戲，潛水睇盡水底「薰衣草森林」，她還貼心的呼籲大家不要用會令珊瑚白化的防曬霜，十分有教育意義。
台灣民宿真係好有特性。（電視截圖 / TVB）
不過，除了網民熱討的水着外，其實睇節目都可以吸收到一些新知識，例如白雲到海上皇宮食生蠔時，就教了觀眾食生蠔的需知。她表示大家烤蠔時要小心擺放：「每個蠔圓形嗰邊，絕對唔可以對住自己或朋友，因為等陣會有水由呢度噴出嚟。」還說當地的生蠔要用炭火烤熟才可以食用：「好似呢種又乾又白，又有出水嘅情況，就可以夾起嚟食，開咗殼之後再烤就會熟啲。」第一次嘗試的白雲也十分表示喜愛生蠔，還說：「好新鮮，比想像中好食。有啲咸，但係冇想像中咁甜。」
生蠔好正吖，真係睇見都流口水：
+7