【夠細奇則】323呎單位花33萬改造 雪櫃下面做鞋櫃感覺唔衛生?

撰文:李婉文
出版:更新:

香港開電視節目《夠細奇則》雖然是舊節目,不過近來因被上載到YouTube上,引起網民的廣泛討論。節目由李尚正(阿正)和盧頌恩(妹頭)主持,介紹不同的細單位,設計師親自剖析如何用設計去改善單位的問題。這次講到的是一個位於黃大仙、主打蚊型一房單位的新樓,原來樓盤在當年推出時已引起話題,因為部分單位又小又不整齊四正,堪稱「奇則屋苑」!

位於黃大仙的樓盤被稱為「奇則屋苑」。(電視截圖)

這次介紹的單位不算細,有323呎是T字型設計,扣除露台面積就只有295呎,不過奇就奇在一個小小的一房單位已經有兩個露台,如果房間的露台面積用來加大屋間,不是更好嗎?屋主是一位女士獨居。設計師Leo指出屋裏主要問題是門口太窄,不能放大櫃。而開放式廚房是本身單位設有的,屋主表示自己少煮食。房間只有30呎左右,雙人床也放不下之餘,什麼大櫃也完全容納不了。納米樓其中一個特別之處,是樓底較高,很多人都會加個小閣樓,但Leo就不會這樣做,他覺得如果加了閣樓,樓底相對就會矮了,失去原有優點。

雪櫃放在鞋櫃上面?(電視截圖)

點擊下圖跟設計師逐格睇!

+24
單位部分裝修盛惠33萬,不包電器。(電視截圖)

主持阿正上門試住,體驗一人文青空間,他拖着兩個大行李箱入屋,打開行李箱時,他也猶豫了一下究竟有沒有位置可以攤開它,一個就可以,另一個果不夠位了。有一個奇怪之處,就是衣櫃在入門位,阿正說︰「呢間屋啲衫就唔係擺喺房嘅,擺晒喺廳呢個櫃。」他同時指出了另一個問題,原來廚房沒有地方放碗碟,而廚房的煮食空間也「掹掹緊」,不太方便。阿正對於屋內空間,就說︰「好多嘢都有佢自己嘅地方,譬如廚房有廚櫃,有鞋櫃、衫櫃,咁變咗又唔係霸好多地方,最麻煩就係兩個喼囉,因為超大型嘅儲物空間真係冇㗎!」總括來說,他覺得如果一個人住是可以的,不過如果兩個人住就要努力維繫關係了,因為空間「一眼睇晒」,房間也是玻璃界隔的。而且,他指出只是做靜態活動空間足夠,但如果想拉筋、做瑜伽等,恐怕就沒位置了!

阿正找不到位放碗碗碟碟。(電視截圖)

點擊下圖睇吓阿正親身住成點!

+22

網民對於設計師改造的單位意見不一,都有正有反。有人就讚︰「好欣賞設計師唔用閣樓,成間屋又變到勁壓迫」、「整體設計得幾好,顏色配搭都幾好睇」,不過都有大量負評︰「似百幾呎多啲」、「真心有啲普通,個衣櫃係門口咩事」、「一入去換鞋位,布置得以為是開放式馬桶」、「呢個設計真係唔多掂,入門口係衣櫃先到鞋櫃買多袋囉都要放曬係地下」、「設計唔實用」、「300呎整完都好似乜都無咁」、「個style都ok,但啲擺位好唔實用,門口個櫃又唔整到埋去門,留番個凹位放張櫈勁怪,個雪櫃又勁唔方便,次次開都要開兩度門,張床又唔升高,好矮,落床嗰陣都坐唔起個人,張雲石枱又多餘到爆」、「點解3百幾呎既樓但感覺都咁細?」、「雪櫃在衣櫃中如何散熱?」和「雪櫃放喺鞋上面?」等等。其實原本的露台跟T字型的單位已經局限了很多設計吧!

發表評論...