【晚吹】麥子樂直認追過陳俞希 吳肇軒爆大鑊︰聽聞錫咗啖㗎喎

撰文:李婉文
出版:更新:

ViuTV晚吹系列節目《有酒今晚吹》由強尼、練美娟(娟姐)和黃詩詩主持,最新一集請到吳肇軒和麥子樂上節目飲酒聊天,二人在劇集《地產仔》飾演兩甥舅,但原來私底下情如兄弟,吳肇軒更大爆麥子樂和陳俞希(Hailey)的秘密?

麥子樂被「逼供」。(《有酒今晚吹》電視截圖)

二人一來已將整杯啤酒一飲而盡,非常投入。節目開始不久他們已有意無意提及到Hailey,於是娟姐就直接向麥子樂套料︰「聽聞你十幾年前追過Hailey。」麥子樂糾正︰「係五年前。」眾人問︰「你追過Hailey嘅?」他直認不諱︰「真係追過!」被問到當年相識的經過,他說是朋友介紹的,那朋友向Hailey指「有個男仔(麥子樂)今晚出嚟飲嘢,個樣有啲林峯㗎。」麥子樂笑言︰「佢聽到呢句嘢,佢就衝出嚟啊!」他又講到有次跟Hailey一起飲酒,強尼也在場,被女方揶揄追不到她,「真係好慘,一姐係唔同啲,我追佢嗰時,唔係一姐,而家就變咗一姐。(娟姐︰而家畀個機會你,你會唔會再追佢?)梗係唔會啦!」

點擊下圖逐格睇主持向麥子樂「逼供」!

+19

強尼講到有次跟在場兩個嘉賓和Hailey飲酒,麥子樂突然好認真地說︰「我真係有追佢。」Hailey說︰「係啊,佢真係追我啊,不過我唔受咋嘛!」在旁的吳肇軒突然爆料︰「爆啊爆埋啦!聽聞錫咗啖㗎喎。」眼見情況失控,娟姐想力阻說︰「Hailey黃花閨女嚟㗎,你哋做乜嘢啊?!」強尼竟說︰「你咁講又唔啱!佢賣點從來就唔係黃花閨女嘛,佢賣點係有經歷啊嘛,你話佢黃花閨女,即刻冇晒市埸。」主持再追問下,麥子樂坦承︰「有嘅!(強尼︰咩情況下發生?)有錫囉,佢實唔認㗎。」到吳肇軒嘗試解圍說︰「蜻蜓點水啫?點到即止?」麥子樂點點頭。

麥子樂在TVB有「小林峯」之稱,他自爆當年跟林峯碰面有點尷尬,雖然他們是好朋友,「我驚佢會知呢件事,我驚佢介意反而。我阿媽同老竇生成我呢個樣,但係冇辦法,又Friend喎,我覺得亦都唔係幫到我。」(《有酒今晚吹》電視截圖)

講完笑,講回麥子樂在事業上的發展,事關他出身於無綫,在TVB做了十年離巢,而近年以拍電影和拍ViuTV電視劇為主。強尼問他,回望過去,會否想到當年如果沒有離開,就輪到他上位?他說︰「呢個問題好多人問過我,但係認真喎,如果我冇走,我認識唔到呢啲人。你永遠覺得係安全地帶,以前係安全地帶,你都冇見過出面個世界。」被問到吳肇軒和麥子樂對對方的感受,他們更講到眼濕濕,兄弟情不言而喻。

麥子樂聽完吳肇軒講對自己的感覺後眼濕濕。(《有酒今晚吹》電視截圖)

點擊下圖睇吓Hailey嘅靚相︰

+12

點擊下圖睇兩個男嘉賓嘅相︰

+8

同場加映︰【多圖】曾淑雅Jumbo嘆冇得同陽光玩遊戲 Po舊相網民照Like

【多圖】曾淑雅Jumbo嘆冇得同陽光玩遊戲 Po舊相網民照Like
+66
發表評論...