全民造星III︱監製花姐回應造馬指控:評判即場撳燈我點控制?

撰文:
最後更新日期:

ViuTV王牌選秀節目《全民造星III》自開播起話題度十足,林二汶帶領的A組與彭秀慧帶領的B組鬥得如火如荼,40強進30強賽果引發觀眾不滿、群情洶涌,B組雖取得勝利卻驟成眾矢之的。造馬傳言甚囂塵上,觀眾鬧爆節目應改名作《全民造馬》,甚至聲言罷看,監製花姐(黃慧君)在接受訪問時談到其實自己也偏好A組的演出:「你唔好睇我好似惡霸咁,其實我好感性;我直程冇諗過有終極對戰!」她坦言評判當時的選擇絕對意料之外:「評判第一次見參賽者,可能冇我哋咁有感情,純粹睇表演就揀咗力量嘅項目。」在隔籬廠以屏幕觀看直播的花姐亦感悟到:「原來現場睇(指評判)同隔咗個電視係差好遠。」

花姐今日與姜濤出席活動,同樣成為被追訪對象。(葉詩攝)

「01最賞睇娛樂大獎」名單出爐啦,6大娛樂獎包括最有話題新聞、最Sweet新聞、最強金句、年度風雲人物、年度男神及女神,快啲參加有獎投票兼答簡單問題贏最新5G手機12 Pro!

對於造馬傳言,花姐似乎亦已經習以為常:「年年都講,如果我真係有咁叻,可以寫到個咁樣嘅劇本,我諗可以出去做電影導演。」至於有觀眾指控節目組左右兼操控評判選擇,花姐激動澄清,表示撳燈已是節目組商討下相對公平的做法:「點控制呀?如果畀分我仲可以造分,評判即場撳燈我點控制?任何人都唔可以影響佢當時嘅感覺。你諗下我啲評判係歌手、DJ、唔同媒介嘅人,如果我真係叫佢哋撳燈造馬,唱咗出去對我嘅節目都唔好,我點敢?我唔夠膽咁做。」她又認為觀眾投入是好事,但在這之前希望尊重評判的專業,不要那麼激進。

點擊圖輯睇姜濤是日型格又可愛嘅相!

+36
+36
+36

否認有契仔 花姐:我得兩個仔!

終極十強已經誕生,問起花姐誰是她的心水選手,她似乎就有所避忌:「我又唔想自己講咗啲咩影響到賽果,跟住大家又話佢係我契仔或者契女,我又唔想咁。」對於「契仔論」, 花姐說:「其實好忟憎,每一季都有契仔,而嗰啲契仔永遠都俾人針對,有啲人以為自己好清楚件事,就亂講一啲嘢去傷害任何人,其實我一直都好唔認同,我得兩個仔,冇契仔嘅,我欣賞嘅人亦唔代表我特別疼錫!」

同場加映:全民造星III︱盤點10大金句 卓韻芝「唔好啦」未算最惹笑?

+42
+42
+42

同場加映:【全民造星III】《前傳》MV掀起前哨戰 最受力捧8位參賽者曝光

+29
+29
+29


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。