陳柏宇結婚4年學會忍讓 符曉薇發夢老公出軌即諗點爭Abi撫養權

撰文:
最後更新日期:

陳柏宇(Jason)於2017年與太太符曉薇(Leanne)結婚,現育有兩歲四個月的女兒Abigail,一家三口的甜蜜日常生活經常都能透過Jason為女兒Abigail開設的Instagram帳戶見到,Jason日前與太太拍片分享兩人4年以來的夫妻相處之道,原來兩人都分別有幻想過對方出軌?

陳柏宇和符曉薇一家三口總是很sweet。(Instagram:@leannefu_1027)

經常都有人說夫妻很難捱過「七年之癢」,Leanne坦言自己確實有幻想過Jason移情別戀,而Jason亦笑稱自己有夢到老婆出軌,但一睡醒就知道是夢境,不像老婆經常將夢境當成現實:「你話埋畀人聽你發夢我移情別戀,然之後你一起身嬲咗我吖!」Leanne笑言當下確實會很生氣:「起咗身我依然會延續呢個唔開心,哈哈!因為好真實啊,發完夢之後我都有幻想過,有瀟灑、悲痛,然後就好清晰咁諗,例如Abi都要跟我㗎喎!就咁諗晒成條路,哈哈!」

Jason日前與Leanne拍片分享兩人4年以來的夫妻相處之道。(YouTube:陳柏宇 Jason Chan)

Leanne坦言與Jason結婚後最大的改變是比以前更常作出忍讓:「對住你要多啲(忍讓)囉,例如我以前同啲男朋友嗌交唔會輸㗎,原來係會輸㗎喎!輸得多,就出現咗忍讓呢樣嘢!」

Leanne覺得Jason令自己忍讓多咗。(YouTube:陳柏宇 Jason Chan)

Jason坦言,當夫妻難免會有衝突,一定要有一方默默作出忍讓才能修補兩人之間的關係:「我忍讓係要希望我哋之間嘅關係和諧啲,我話你聽我忍讓唔代表會令到我哋之間嘅溝通和諧咗,當然我唔覺得忍讓就代表好委屈,因為呢個係一個選擇,如果我唔忍讓,就兩個都嬲,我忍樣嘅話,就兩個都唔嬲喎!」

Jason和Leanne相處總是充滿歡笑。(YouTube:陳柏宇 Jason Chan)

Leanne補充指其實自己和Jason在忍讓方面好夾,能夠取得一個很好的平衡:「你會視我作為底線,你係唔忍先嘅首先放晒出去先,見到我面色開始難堪,你就會忍。但如果頭嗰part我唔做,你就要去做下一part,如果我忍讓先,你就會放手繼續。」

Leanne和Jason各自都有忍讓對方的時候。(YouTube:陳柏宇 Jason Chan)

自從女兒出世後,Jason和Leanne的睡眠習慣變得差天共地,Leanne成為全屋最夜瞓的人:「有時我3、4、5點先瞓,一起身就要換片餵奶,然後我睡眠質素又極差,因為我個女瞓覺好錫住老豆,永遠都會瞓喺我個枕頭搣我個嘴!」相反,Jason則變得更早睡,只希望可以在早上以精神一點的狀態陪伴女兒:「我係特登改變自己生活去迎合我同女之間嘅互動,如果我好似以前咁3點幾4點先瞓,我10點鐘一定冇辦法有一個好嘅心情陪佢玩!」

Jason表示自己在女兒出世後積極改變自己的生活習慣。(Instagram:@abigail92518)

點擊下圖觀看Jason同Leanne一家三口的溫馨相:

+5
+5
+5

同場加映:陳柏宇歡迎家中新成員Hachi 身後千呎豪宅成焦點?

+17
+17
+17


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。