孔德賢（Danny）今日（23/5）現身西貢出席慈善網球活動。對於早前《明星足球隊》被陣中球員爆料指球隊北上踢波後，晚上會再到夜場狂歡攬女作樂。Danny接受《香港01》訪問時表示：「其實我都有睇相關報道，但我之前上去嘅時候，去到當地就係晚上10點，然後去食完宵夜就返酒店瞓，第二朝八點就要起身，準備出發比賽，變咗大家食完飯就會返去瞓。（會唔會佢哋去咗你唔知？）咁我又冇問，佢哋話返去瞓覺。」

孔德賢續說：「其實呢啲傳聞，都係任佢噏，佢點講都得，因為冇人知嘛。咁所以我覺得唔係真嘅嘢就唔好亂咁講囉，因為如果亂咁講嘅話，有啲人其實唔係咁樣嘅話，覺得唔係咁好，始終正正常去踢波嘛。（加入明星足球隊審查嚴謹？）我就唔清楚，因為係要交返畀校長（譚詠麟）同華哥（黃日華）去處理，而我就係負責去踢波啫。（啱唔啱落夜場玩？）我唔係好適合玩，始終我唔鍾意飲酒。」