晚吹|凶宅清潔公司負責人曾處理雙屍命案︰個女殺咗母親然後自殺

撰文:李婉文
出版:更新:

由潘紹聰(Edmond)、詹朗林(JJ)和岑樂怡(阿妹)主持的 ViuTV節目《晚吹 - 總有一瓣喺左近》最新一集請到凶宅清潔公司負責人阿樂分享經歷,凶宅清潔公司原來除了會實質上清潔單位外,同時也會找師傅做儀式。他講到一單比較靈異的個案,是接了一宗屯門雙屍命案的清潔工作時發生的事。

節目請到阿樂分享靈異經歷。(電視截圖)

阿樂講到2019年一宗屯門雙屍命案,當時業主找他,問他有沒有清除怨靈、惡鬼的服務,令他大感疑惑,以為對方開玩笑,業主解釋原來是因為一對母女在屋裏死了,想找阿樂幫手。之後阿樂就到那個單位視察,原來是一間過千呎的大屋,他說︰「全間屋嘅牆都寫晒個『死』字。(主持︰死者寫嘅?)係啊,寫住『乜乜害死我,我要返嚟報仇』,跟住見到間主人房布滿血跡,同埋一個血形嘅形狀喺張床度,人形嘅(血跡),成屋嘅窗都封晒膠紙,同埋成屋都係香薰座。(主持︰其實佢係咪計劃好自殺,跟住靈魂返嚟?)之後我哋睇返新聞,原來呢單case就係個女殺咗自己母親,然後自殺,佢唔想俾人發現,所以放香薰座,跟住將間屋嘅窗全部密封晒佢。」

阿樂的職業好特別。(電視截圖)

點擊下圖看更多阿樂平時工作的職責︰

+9

去到清理地方的那天,阿樂表示當時第一件事就是清理死者過世的床,「咁我就第一個爬上去隔離個櫃,諗住反張床過嚟,跟住反嘅時候,突然間全屋嘅燈全部熄晒。」當他們將床包好,密封好,再搬到升降機大堂時,原本是大白天,卻突然像有烏雲遮住了陽光一樣,突變陰天,但他們就裝作沒事,繼續工作。清理完後,有喃嘸師傅做旺屋儀式,「我哋準備拜祭嘅時候,佢間房門突然『嘭』一聲,我一定要去開返門佢,點知房門反鎖咗。」過了一、兩天,他見師傅時,對方問他最近是否接了一個個案,是否一對母女,師傅告訴他,那對母女說會在今晚報夢找他。

嚇到主持「O嘴」!(電視截圖)

阿樂說︰「到夜晚瞓覺嘅時候,我就真係發夢夢到一個女仔,個情境係我喺個街度轉角位,大家都轉彎嘅時候,我撞到呢個女仔,佢同我傾偈。跟住個畫面轉咗去佢俾架車撞到,撞到嘅時候,我扶佢起身,跟住我就去咗佢屋企,同佢傾偈。傾偈嘅時候,爸爸同埋佢啲兄弟喺樓上行落嚟,見到佢都直行直過,同呢個女仔冇嘢傾嘅。」之後阿樂醒來後,他覺得夢境像是那女生告訴他,她跟家人的關係不好,與媽媽搬出來生活,可能是想告訴他發生這個家庭慘劇的前因後果。師傅指她並沒有惡意,是想向阿樂道謝,師傅叫阿樂燒一些手袋和衣服給她就解決了事件。而他的拍檔李先生當天負責清理牆上「等我,我一定返嚟搵你」的字跡,他之後夢見重回同一間屋,在清理字跡,大字突然像向他衝來一樣。但是否日有所思,夜有所夢就不得而知了。

同場加映︰ERROR串爆TVB引熱討 重溫組合冇底線主持風格的出位代表作

ERROR串爆TVB引熱討 重溫組合冇底線主持風格的出位代表作
+65