嫌疑事件簿|陳海寧陳凱詠分析各人戰力 顧定軒:演技好一定係假

撰文:葉詩
出版:更新:

ViuTV全新LARP(Live Action Role Playing)節目《嫌疑事件簿》將於下周一(14日)首播,周二(8日)迎來記者會,陳海寧(Isabella/Dee姐)、陳凱詠(Jace)/顧定軒(Zeno)談起是次節目可謂火花四濺,Jace指置身遊戲當中甚是燒腦:「實質會發生啲咩係控制唔到,好考應對又要交戲!」Isabella自言很「Single-tasking」只是捉住角色要點來做:「贏輸我從來唔介意,因為我輸開,冇諗過贏;都幾好玩,可以騷擾人我就覺得好開心。」Zeno就自爆雖看似淡定,可是被騷擾得思緒甚混亂:「呆咗喺度,唔知自己有咩線索,又唔知自己做咗啲乜。」

+5

Jace又認為玩得最好的是黃溢濠:「佢個人好老謀深算、好勝心比較強,又幾有推理能力!」眾人又大爆梁雍婷(Rachel)會忽然演技大爆發,Isabella透露:「佢將我哋演戲個Level瞬間拉到好高,然後心諗OMG就即刻俾佢震懾到!」Zeno就以逆向思維分析:「大家就好容易覺得佢係演,演技咁好一定係假,就變咗嫌疑最多嘅人。」

Isabella早前與ERROR成員阿Dee(何啟華)合作主持《家多咗個PET》被指外貌相似,因而多了個花名叫Dee姐,她自言不介意。(梁碧玲攝)

Isabella早前與ERROR成員阿Dee(何啟華)合作主持《家多咗個PET》被指外貌相似,因而多了個花名叫Dee姐,亦有出演《ERROR自肥企画》,過程中亦培養了兄妹情:「雖然唔係特別想,但密切合作咗成年就慢慢累積,加上識咗7、8年,真係有屋企人嘅情意結!」而今次拍《嫌疑事件簿》,身旁的Zeno和Jace就比較像是同輩:「同大家做過嘢、Casting見過,大家都會知大家咩料,有少少競技嘅感覺,火花就唔同。」Isabella又自言不是太介意被稱呼為Dee姐:「你哋開心我就開心,而家生活咁困難,大家嗌完覺得好搞笑,我都覺得自己做緊好事。」至於與193(郭嘉駿)之間的緋聞,Isabella就指感情事不回應。

發表評論...