全民造星IV｜艾粒澄清與TVB「冇關係」 當奴：自由身可以周圍走
撰文：葉詩
出版：更新：
ViuTV王牌選秀節目《全民造星IV》今日（1/9）於九展舉行記者會，96名參賽者亦首度曝光，節目監製花姐、女團經理人戴穎、導師許廷鏗及梁祖堯、評判當奴（唐劍康）、鄭融及朱柏康等均有出席，陣容鼎盛。席間，當奴指自己純粹揀靚女，他接受《香港01》訪問時便指大家誤會了他的意思：「我唔係淨係睇樣，最緊要係有冇火同發展嘅潛力，好驚大家以為我係鹹濕俱樂部會長。」
朱柏康、鄭融、當奴擔任《造星IV》首輪評判。（梁碧玲攝）
至於上月有網民發現艾粒成員當奴及少爺占雙雙在邵氏兄弟官方網站「被消失」，問起是否與離巢無綫（TVB），當奴就澄清：「其實我哋不嬲都唔係TVB㗎，已經唔係好多年，之前係受樂（易玲）小姐邀請簽咗邵氏嘅藝人合約，同TVB冇直接關係，完約之前佢哋就想邀請我哋拍一個節目，即係《大整蠱》，然後合約完咗我哋就變返自由身，可以周圍走、喺唔同嘅電視台出現。」當奴又透露暫時跟TVB未有其他合作，反而正跟日本的電視台商討一些合作：「我哋做演出嘅都係做好自己最緊要。」
問起ViuTV與TVB兩個電視台的分別，當奴指ViuTV有很多攝影機：「啲Cam多到癲，聽佢哋講一日已經多片到Ran片要成個禮拜。」（梁碧玲攝）
全民造星IV｜一文睇晒96位參賽者 花姐建議女團改名做「Flower」
+142