193曾嫌ERROR兄弟「唔識服裝」 阿Dee大方照撐:舊事舊屎沖走咗

撰文:葉詩
出版:更新:

ERROR成員郭嘉駿(193)個人經營的網店「LILABOC」日前惹來事端,事緣有粉絲於今年1月於「LILABOC」付款購買去年9月訂單的帽子,卻遲遲未收到貨物,於是先後於在2月及8月DM網店及向193查詢,惟得不到回覆,最終選擇連登討論區公開追討;193以不客氣字眼回覆,如:「文盲?」、「定係燒俾你」等,更間接公開該名粉絲的名字及IG帳號,引來網民聲討,193 IG帳戶在短短兩天內流失8千粉絲仍冇有怕大呼:「你搞唔死我!」事件持續燃燒,連帶193以往在TG群組「193Club」的發言亦被翻出,似乎暗諷ERROR成員「唔識服裝」,字裡行間惹錯粉不滿。

193「敢言」風格惹事端。(IG/@deniskwok193)

點擊圖輯睇「追數事件」始末:

+1

193未有點名、但錯粉認為矛頭直指當時的周邊設計人阿Dee,193曾經寫道:「因為今次呢件唔係我設計嘅,係某成員設計」、「設計我完全唔知情,有人好想話事,咁我無理由搶嘢嚟做」、「所以大家知道設計同Sizing方面係由一個唔識服裝嘅人話事」等,令網民紛紛替阿Dee(何啟華)感到不值,「Dee哥好慘」、「好心痛阿B」、「未紅之前已經出過IG Post嫌棄自己隊友唔靚仔又無身型」、「認真佢憑乜睇唔起人」。

點擊圖輯睇事件始末:

+4

不過阿Dee周五(3日)就力撐兄弟,大方回覆道:「舊時舊屎沖走咗喇,戥我唔抵嘅人多謝先,因為我覺得你哋真心關心我當時感受,所以我感受到濃濃嘅愛意;不過如果時光倒流我會俾返3爺做返設計,嗰時我份人係比較獨裁、心急,成日自己做Planning,單方面想為ERROR做啲事,而忽略咗隊友嘅想法,所以我都上吃一課成長了。」阿Dee又力撐193:「重點:想借舊屎嚟搞分化嘅朋友,麻煩你哋慳返啖氣,四為一體、四位一體,一世人兩兄弟有你有我,我哋四個都知唔係口號,未來我哋只會更團結、把握機會做更多好作品娛樂大家。」

阿Dee發文獲ERROR隊長肥仔(梁業)轉發,同樣力撐隊友:「過去咗嘅嘢就由佢過去,四歸一超於一切領域,相信我哋會越做越好!」而保錡亦分享了粉絲繪畫的ERROR卡通指「四位一體」,兼轉發四人合照寫道:「一世人兩兄弟有你有我,唔洗講咁多!」

你可能感興趣