張建聲拍《一秒拳王》兩日唔飲水 形容新戲是台詞上的一大挑戰
撰文：趙允琳
出版：更新：
張建聲昨日（3日）以頒獎嘉賓身份出席大家食飲食集團Logo設計大賽，他笑言之前因有人將他P圖自己到大家食老闆呂茂正的招牌Logo上，被兩人的共同好友發現兩人相當似樣見因而邀請他來做嘉賓，他與呂老闆一見面就一見如故，更獲對方答應可以免費去旗下餐廳食飯，令張建聲笑到見牙唔見眼：「1998年到依家，我哋做演員要好似呂生咁屹立不倒咁多年係好難嘅，仲要喺逆市開分店！」
張健聲拿着自己的改圖與呂茂正一同合照留念。（周倪瑩 攝）
呂茂正笑言開餐廳20多年生意已經上軌道，自己閒時都會抽時間看看TVB劇集。（周倪瑩 攝）
張建聲表示自己雖然很喜歡食刀削麵，不過如工作需要短時間內回復最佳狀態就必須嚴格遵循飲食餐單：「食雞肉、食菜同埋大量帶氧運動，呢個係冇得變嘅，我最fit嘅時候係兩年前嘅《一秒拳王》，嗰時40日要減23磅，仲為咗影海報48個鐘唔飲水！不過我之前為咗部戲增到220磅，而家已經減咗30幾磅，距離自己嘅目標都仲爭20磅。」
張健聲表示希望可以成為一個不用靠台詞，靠表情就能夠演戲的演員。（周倪瑩 攝）
張建聲透露現時自己正在拍攝一部新電影，不過今次相當有突破，因為演的角色與過去的張建聲非常不同：「資訊性嘅嘢比較多，真係台詞上嘅大挑戰，平時嘅我都係蝦蝦霸霸，一係做好人一係做壞人，今次真係要帶出好多資訊，所以我一路講緊嘢個腦係一路背緊台詞嘅！」
呂茂正坦言如果為餐廳作一首主題歌是不錯的提議，更笑言可讓張健聲做主唱。（周倪瑩 攝）