《膠戰》製作費10級跳! Jeffrey、阿正驚歎:原來可以咁有錢

撰文:葉詩
出版:更新:

ViuTV綜藝節目《膠戰S2》將於明日(10日)起逢周日晚22:30播出,「6膠」成員Jeffrey(魏浚笙)及阿正(黃正宜)日前在發布會談起第二季無論是成員默契、還是製作Budget皆大幅度升級,阿正說:「上季好多遊戲都係Partyroom進行,今季有大型商場、郵輪,原來係可以咁有錢!」人設方面,對Jeffrey BB一片痴心的阿正就忽然「良心發現」:「今季要檢點啲,我驚佢會好有壓力;私下都有得到女朋友批准,本人都係一個相當保守嘅女子,我係為咗節目效果㗎咋。」Jeffrey一臉泰然指完全不感負擔:「我唔會,有人追捧係開心。」Jeffrey自言「比較蠢」、「不嬲冇形象」,反而創造出不少笑彈,被阿正稱讚常常「一鳴驚人」!

DJ出身的阿正又感謝《膠戰》帶給她的際遇及機會:「以往努力咗咁多年,都未必咁多人認識,拍完《膠戰》工作多咗好多倍!」(陳順禎攝)

阿正難忘其中一集內容為王子公主配對,而自己則為其中一位公主:「我冇諗過其他2位公主嘉賓係咁高質素,我套衫又核突,拍埋去我好似小僕人,Serve緊三個公主出場,就製造咗好大落差!」Jeffrey隨即加口:「係突出嘅!」阿正怒啤道:「冇人當我係公主!」Jeffrey就表示恐怖集數最為深刻:「Setting嗰啲都好有心、真心恐怖,希望大家密切期待!」

除咗好靚仔、好靚仔、好靚仔,小編搵唔到其他形容詞了!(陳順禎攝)

點擊圖輯睇記者會當日靚相!

+20
你可能感興趣