周家怡遊走ViuTV、TVB拍劇 自由穿梭兩台冇後果:新時局要改變下

撰文:葉詩
出版:更新:

由梁詠琪(Gigi)、袁富華、潘燦良、周家怡、強尼等擔崗主演的ViuTV電視劇《反起跑線聯盟》今日(15日)舉行開鏡拜神,周家怡是次在劇中飾演一名單親媽媽,性格親和、甚得小朋友歡心,第二度飾演媽媽角色的家怡表示:「我諗而家差唔多年紀要做媽媽角色!」問起會否是現實中的預習,家怡說:「單卵繁殖搞唔掂!我自己一個(指單身)冇諗咁多,但拍戲嘅時候係打動嘅,小朋友真係好得意,最緊要係好乖,曳就會即刻唔想生!(想結婚?)搵咗個男朋友先啦,(有人追?)唔知點解,堅係冇!隨緣啦。」

周家怡又對Gigi這個拍檔讚不絕口,指與她對戲感覺親切又舒服:「不過我每次都佢拍嘢都好尷尬,幕後好錫我,一見我埋去拍two shot就會拎個apple box埋嚟叫我企上去,Gigi成日都話:『我挈啦!我挈啦!』」(周倪瑩攝)

周家怡搭檔鄭嘉穎、馬國明、鍾嘉欣等主演的無綫(TVB)台慶劇《星空下的仁醫》下周播出,家怡更是昨日才出席完友台宣傳活動,今日就輪到ViuTV《反起跑線聯盟》開鏡,問起是否現時已經無需「過冷河」,她就說:「ViuTV好好,我諗佢冇呢啲嘢,同埋我覺得而家都新時勢、新時局,應該都要改變下!我好慶幸《仁醫》係繼《導火新聞線》後嘅班底再合作,我諗所有嘢都唔好諗得太複雜,我哋作為前線基層,大家一個團隊都係想做好件事,其他佢哋諗咩唔理喇,自己演好部戲最緊要,都好開心可以再拍ViuTV嘅戲。」問起兩台工作模式會否不同,家怡就表示大同小異:「因為TVB嗰個係外判,唔係以前嘅拍攝模式,啲Crew以前都有合作過。」

周家怡今次與不少新生代演員合作感覺新鮮,現場更是笑聲不斷:「現場個個都輪住、爭住萬歲!」(周倪瑩攝)
+7
你可能感興趣