反起跑線聯盟|梁詠琪睽違15年拍劇唔為錢:唔同階段總有新嘗試

撰文:葉詩
出版:更新:

由梁詠琪(Gigi)、袁富華、潘燦良、周家怡、強尼等擔崗主演的ViuTV電視劇《反起跑線聯盟》周五(15日)舉行開鏡拜神,Gigi提及在劇中自己與潘燦良飾演的「虎爸」觀念正好對立:「戲入面我希望小朋友開開心心,(現實中嘅自己呢?)我覺得對於虎媽呢啲Term唔係非黑即白,父母要拎到個平衡令小朋友知道功課同學習係責任,而父母就後背後幫助佢哋,令小朋友知道面對壓力會有最強後盾,我自己睇完劇本都學到少少為人父母之道。」Gigi大讚《反起跑線聯盟》製作團隊專業:「大家一齊辛苦、有好嘢食又好開心、小朋友又好聽話,拍得好開心!」

+14

梁詠琪繼2006年客串TVB電視劇《老馮日記》後睽違15年回歸小屏幕,更是首度在電視劇擔正,Gigi唔怕辛苦:「之前客串過電視劇,理解到拍電視劇好辛苦,好佩服電視劇演員日以繼夜咁拍,接之前導演已經話要有心理準備係好辛苦,我反而覺得辛苦都唔緊要,最緊要係做啲自己冇做過嘅嘢、接受新挑戰。」

問起Gigi被什麼打動,她說:「同導演識咗十幾年,佢構思呢個劇本嘅時候因為同為父母就一齊傾劇本、開下會、加入一啲小故事,佢開拍嘅時候就提議我自己演埋,反正冇做過就挑戰下,每個人去到唔同階段總有新嘗試,可以放開心情試下。(重金禮聘出山?)我覺得OK就得,主要係鍾意個故仔、導演又係我好朋友。」

你可能感興趣