78歲陳惠敏曾患肺癌中風康復理想 與吳耀漢同場面色紅潤精神奕奕

撰文:董欣琪
出版:更新:

現年78歲的武打影星陳惠敏在前年9月首度承認患有肺癌,但幸好他在患病初期及早發現,經過治療後終於戰勝病魔,康復情況理想。日前胡杏兒老公李乘德(Philip)在IG Post出一張與陳惠敏及吳耀漢的合照,並寫道:「Two legends of HK cinema. Respect. 」原來陳惠敏同Philip都是客家人,見陳惠敏同吳耀漢兩位前輩都面色紅潤,精神奕奕,不少網民都紛紛留言祝福他們身體健康!

+7

陳惠敏昔日經常在電影中飾演黑幫大佬的角色,霸氣形象深入民心,雖然曾患肺癌兼中風,但他去年出席活動接受《香港01》訪問時就透露即將復出拍劇:「其實大陸都有好多戲搵我拍,都要醫生睇吓自己狀況。不過今年會返亞視拍類似《古惑仔》嘅劇,因為佢哋想拍返啲劇。之前半邊身中風,而家好返都有做運動、行山、打沙包,細細力都要打下。」

陳惠敏去年出席活動時透露即將復出拍劇。(資料圖片)
+3

而現年82歲的吳耀漢,近年因年紀大,身體出現不少毛病,曾因心臟血管栓塞要做手術,有嚴重腎衰竭的他腎功能只剩約一成,每日要洗肚4次,近年更聽力衰退,下降了大約七成,早前吳耀漢曾上鄭丹瑞(旦哥)的YouTube Channel《健康·旦》講述聽力衰退對生活造成的影響,直言自己最初很頑固:「其實我諗我同好多老人家一樣,就係我哋唔承認呢個缺憾。」更不願佩戴助聽器:「最初開始時係死硬頸,直情唔肯戴,直至老婆忍唔到,買咗一個,我點解唔戴兩個係嫌佢煩,以為戴一個就ok,幾好都聽到,後來戴戴吓都要兩個!聽得唔好係你蝕底喎,你睇戲又聽唔晒,唔到你話費事,男人就係咁樣。」現時吳耀漢兩邊耳都需要戴助聽器,他更勸諭大眾要正視身體各種毛病:「蝕底嘅係自己」。

吳耀漢現時兩邊耳都需要戴助聽器。(YouTube影片截圖)
+11
你可能感興趣