鄧小巧結婚被嘲諷稱明白韋史密夫憤怒 宣布將偕老公離開社交網絡

撰文:邱愛霖
出版:更新:

歌手鄧小巧與加拿大男友「白先生」本月初在加拿大結婚,事後開心分享婚照,卻遭受網友言語暴力,備受攻擊「醜樣」、「肥」、「豬扒」,隨後小巧一連上載兩個帖文反擊:「得到愛,唔一定要生得靚。」

鄧小巧本月初與加拿大男友「白先生」共諧連理。(FB@鄧小巧)

小巧日前接受同身處加拿大的李婉華訪問,提到影帝韋史密夫(Will Smith)為老婆珍達(Jada Pinkett Smith)於奧斯卡頒獎禮上公開掌摑諧星Chris Rock一事,小巧稱雖不認同韋史密夫打人,但理解他的憤怒,她說:「我唔同意佢做嘅嘢,但我明白點解佢咁做......語言暴力同肢體暴力都係一樣對人咁傷害,就好似你話Will Smith唔應該打人囉!就好似當佢用咗肢體暴力去打人、摑人,你就會話唔應該打人;但我哋對語言暴力好多人嘅睇法就係『你邊度理到咁多人講咩呀!』但你唔會話『你理得Will Smith打唔打人呀』、『佢打唔打人關你咩事呀』唔會㗎嘛!」

韋史密夫衝上台怒摑Chris Rock。(Getty Images)

李婉華深感認同,指自己不時被嘲「膠面」、「白骨精」、「整容」、「咁老唔好出嚟X」、「扮哂大明星」、「好寸」。但她見到負評反而感到開心,揚言「唔會畀你得逞」,故會選擇反擊網民。

小巧在李婉華YouTube直播中坦言雖不認同韋史密夫打人,但明白他的感受,(直播截圖)

而老公「白先生」得悉小巧被辱罵後,非常認同她的感受,安慰她說道:「網絡世界真係Dumb(愚蠢)。」小巧坦言:「佢嘅反應其實係我好欣賞嘅......因為佢細細個都有俾人杯過,佢好了解俾人欺凌係咩嘅一件事。所以佢唔會叫我你唔好理啦,你唔好睇啦。」

小巧同老公好幸福!(IG:tangsiuhau)

小巧又宣布,遲早有日會偕老公雙雙離開社交網絡,她說:「最後我都唔會再喺社交網絡出現,因為我唔使喺社交網絡展現我哋嘅生活先係生活。」她又透露老公已刪除Facebook,而她自己亦不再打開使用Facebook。

小巧和「白先生」結婚相:

+13

同場加映:許紹雄移居新加坡放低身段做侍應 親自落場打點超親切無明星架子

點擊睇許紹雄移居新加坡後為愛女茶餐廳親自落場打點近況:

+7

愛回家|10位30歲下現役清純女神 「港大楊恭如」仙氣直迫倪嘉雯

+43