羽毛球.德國賽|伍家朗坦承曾憂未能再奪冠:冇一種成功得嚟容易

撰文:高詩琦
出版:更新:

香港羽毛球代表伍家朗周日(12日)在德國公開賽男單決賽,打足三局下擊敗中國球手李詩灃,奪得個人逾三年來第一個世巡賽冠軍。他賽後在社交媒體發表感言,坦承之前3次打入決賽都屈居亞軍,今次決賽期間又受傷,曾懷疑自己「又要等下次」。

伍家朗上一次奪得世巡賽冠軍,已是2020年1月的泰國大師賽,他在感言中也以此為標題,寫道「27/1/2020 > 12/3/2023」,代表兩次在世巡賽奪冠的日子,期間他曾在3站打入決決,包括2021年年初的泰國公開賽、2022年的馬來西亞大師賽和今年的泰國大師賽,但都未能掄元。

他寫道:「經過3年零44日既(嘅)等待,我終於再一次企上頒獎台既冠軍位置。中間曾經3次打入決賽都功敗垂成,3次都同冠軍擦身而過,每次我都諗會唔會係我最後一次既決賽,我仲有冇機會喺他朝一日退役之前攞到冠軍?」又說:「我雖然同身邊既人都係講『平常心啦』,但係人都知去到可以爭冠軍既時候點會做到咁佛系?」

伍家朗在決賽期間一度受傷,需接受治療,他說當時在想「唔通又要等下次?」也曾懷疑能否繼續,惟不想放過奪冠的機會,「雖然傷勢冇令到我完全要投降,但的確係對發揮有影響,我只可以喺場上盡量做啲唔會令到我太痛既動作。就係咁一分一分捱落去,分數亦都好膠着咁同對手一人一分,就睇邊個可以沉得住氣先到終點,好慶幸我今日係最終贏得勝利既一個。」

他認為這場決賽「更加印證左一句說話,就係當你想成功或者得到你好想要既結果的話,你一定要首先好刻苦耐勞咁跨過重重難關,因為冇一種成功係會嚟得好容易既。」

全英羽毛球錦標賽周二(14日)便會展開,伍家朗首圈會再度遇上李詩灃,而李卓耀則要對世界排名第一的安賽龍。兩對混雙組合分別鬥日本對手,鄧俊文/謝影雪再鬥曾在奧運銅牌戰交手的渡邊勇大/東野有紗,李晉熙/吳芷柔會對綠川大輝/齋藤夏。兩對女雙組合,吳芷柔/曾曉昕對中國的李汶妹/劉玄炫,楊雅婷/楊霈霖對韓國組合鄭娜銀/金慧貞。