葵涌夾屋芊紅居買家曾被截糊　再見心水單位還價不成、反加價入市

樓市開始見底，買家陸續物色心儀單位入市。葵涌夾屋芊紅居一伙兩房單位新近以562萬元沽出。據了解，新買家早前睇中同屋苑其他單位，惟不幸被截糊。最近又再睇中單位，立即睇樓即場還價，但最終反而需加價入市。

美聯物業分行營業經理陳偉健表示，是次成交單位為葵涌芊紅居2座中層E室，實用面積約424平方呎，屬兩房間隔，望開揚球場景。單位5日前以590萬元叫價放盤，新近以562萬元沽出，實用呎價約13,254元。

原業主於2008年11月以200萬元買入單位，持貨16年轉售，帳面獲利362萬元，或升值約1.81倍。

新買家曾被截糊　見單位企理、即場還價促成交

據了解，新買家鍾情芊紅居夾屋環境寧靜，且鄰近葵芳站鐵路沿線，附近更有大型新都會商場，加上早前看中單位卻未能成功購入，故即約見業主睇樓。

新買家見單位裝修企理，於是即睇即回價450萬元，惟業主告知已有客人出價555萬元，新買家見狀不敢怠慢，加多7萬元至562萬元最終達成交易。