專訪|憂國安法下民主黨陷財務危機 單仲偕續任掌櫃:要睇實盤數

撰文:
最後更新日期:

民主黨中央委員會月初改選領導層,南區區議會主席羅健熙以36歲之齡,當選民主黨主席,觀塘區議員梁翊婷亦高票當選副主席,民主黨領導層迎來一股青春風暴。

不過,黨內領導層仍有一名為人熟悉的「老鴿」單仲偕,他選擇連任司庫,原因是《港區國安法》下,希望為民主黨「睇實盤數」,以防民主黨陷入財務危機,「做咗司庫兩年,過去兩年我好小心,只可以講我以後會更小心。」

單仲偕坦言,本身亦打算「裸退」領導層。(梁鵬威攝)

原打算「裸退」領導層

新世代月初接任民主黨領導層,胡志偉棄連任主席,接棒予羅健熙,元老李永達、原秘書長張賢登、前立法會議員黃碧雲等人放棄連任中委。單仲偕坦言,本身亦打算「裸退」領導層,但隨著《港區國安法》在港實施,他認為民主黨在財政上需作出準備,故決定連任司庫。

前民主黨立法會議員許智峯、北區好鄰舍教會被警方指挪用眾籌款項,銀行戶口遭凍結,民主黨如何防止同類事件在民主黨身上發生?單仲偕稱具體措施不會透露,但目標是讓政權無藉口借《國安法》「搞民主黨」,「做司庫要有高嘅政治敏感度,但係唔好有政治曝光。講多錯多,唔講好過講。所以我選返做司庫,希望守護民主黨,唔好陷入財務危機,守得幾多得幾多」。他笑指,妻子形容司庫一職是單仲偕面對的最大風險。

單強調會更小心地「睇實盤數」,「今時今日啲老鬼(元老們)都退晒,得返我,我唔會喺政治上有主導角色,只會睇實盤數,做咗司庫兩年,過去兩年我好小心,只可以講我以後會更小心。」

單仲偕以個人身份發表其意見,他支持民主派立法會議員總辭,同時支持民主黨在僅有政治空間繼續參與立法會選舉。(梁鵬威攝)

倡民主黨續戰立會選舉

人大常委會上月就立法會議員資格作出決定,公民黨楊岳橋等四人被政府即時DQ,其餘15名民主派議員總辭以示不滿,外界關注,總辭後的民主黨會否再戰立法會選舉。

單仲偕以個人身份發表其意見,他支持民主派立法會議員總辭,同時支持民主黨在僅有政治空間繼續參與立法會選舉,「當有返選舉嘅時候,無論個選舉幾污糟都好,都應該去試、去參與,中央政府、特區政府收窄我哋嘅政治空間,我哋被收窄,我哋無可奈何,但就算唔接受都要面對,但我哋唔好自我收窄,應該喺僅有嘅空間下,盡量擴大我哋嘅空間。」

不認同民主黨變激進

自從反修例運動爆發,被視為傳統溫和泛民的民主黨被指變得激進,甚至有論調認為羅健熙等新世代上場後,民主黨的政治路線會變得更激進。單仲偕不認同這種講法,民主黨經歷過香港的大時代,黨內的年輕一代對世代有憧憬,他們需要伸展出來,也十分合理,「我代表上一代嘅政治人物,我對佢哋係支持嘅,但去到尾,我對佢哋嘅理解,佢哋都係支持一國兩制出路、真正嘅一國兩制,唔想變成一國一制,雖然香港已經全面邁向一國一制。」

他不認為羅健熙激進,對方只是用社交媒體、用新方式作政治參與,「民主黨有乜激進過?社會客觀環境改變咗,對激進與否嘅接受程度都唔同咗,但用香港政治光譜嚟睇,羅健熙、梁翊婷相信都係較溫和。」

單仲偕選擇連任司庫,原因是《港區國安法》下,希望為民主黨「睇實盤數」,以防民主黨陷入財務危機。(梁鵬威攝)

+16
+16
+16
+11
+11
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。