亂過馬路貪一時之快，隨時累人累己！近日網上流傳影片，上水有大媽於馬會道亂過馬路，走到路中心石壆位後，再跨過鐵欄繼續過馬路，當時不時有車輛駛過，十分危險。

網民紛紛批評大媽，「出咗意外又話啲司機不小心駕駛，導致市民傷亡」、「唔好累到拯救你嘅人士，及傷害一啲合法嘅司機」，又指出「行前兩步有天橋、有電梯，另1邊有隧道」、「又唔係趕時間！為咩呢？」。有網民認為應加重亂過馬路刑罰或修例，「罰2,000唔夠，要罰1萬」。

有網民於facebook分享該段影片，見到事發於上水馬會道、救世軍石湖學校對出，1名穿深藍色上衣的大媽在馬路中心石壆位，慢條斯理地跨過鐵欄，繼續過剩餘的馬路，發文者斥「唔使可憐」。

上水大媽跨欄過馬路超危險

網民直言不解大媽行為，指出附近就有天橋、升降機和隧道，「其實住北區好幸福，政府起咗很多升降機，大家善用下，咁危險過馬路」、「唔行天橋因為畏高？唔行隧道因為有密閉恐懼症？」。

網民憂連累司機：隨時睇唔到佢走落嚟

有網民批評若不幸出交通意外是連累司機，「累街坊，自己一把年紀仲要咁樣過馬路」、「為班司機可憐啫！」、「連累個司機先唔扺」、「樹幹咁X粗，A柱又遮一遮，隨時睇唔到佢走落嚟」、「夜晚咁過，佢死硬」、「嫌命長，冇人可以阻止佢」。

有網民揶揄，「走捷徑想快啲落下面，問閻生攞個頭位籌」、「唔係黑心，北區醫院同和記（和合石墳場）都好近」。

網民籲政府加重刑罰：罰2,000唔夠，要罰1萬

有網民認為應加重亂過馬路刑罰或修例，「罰2,000唔夠，要罰1萬」、「要停行3個月」、「應該要有條法例，如果行人亂過馬路有意外，司機唔使負上刑責」。

在香港亂過馬路罰多少錢？

根據香港法例第374G章《道路交通(交通管制)規例》，任何人不得在以下情況橫過馬路，包括身處斑馬綫控制區內，但卻不在斑馬綫上；身處距離交通燈控制的過路處15米範圍內，但卻不在該等交通燈所運作的過路處；身處距離行人天橋或行人隧道或該天橋或隧道的任何部份15米範圍內，但卻不使用該天橋或隧道。任何人無合理辯解而胡亂過馬路，即屬犯罪，可處第1級罰款（2,000元）。